වීසා නොමැතිව මෙරට රැඳී සිටිමින් මැඩගස්කරයේ තරුණියන් මෙරටට ගෙන්වා ගණිකා වෘත්තියේ යෙදවූ බව කියන සිද්ධියක් සම්බන්ධයෙන් වරදකරු කෙරුණ මැඩගස්කරයේ පදිංචි විත්තිකාර තරුණියකට දඬුවම් නියම කිරීම කොළඹ ප්රධාන මහේස්ත්රාත් අසංග එස්. බෝදරගම ජනවාරි 29 දිනට කල් තැබීමට අද (19) නියෝග කළා.
විත්තිකාර තරුණිය කෙටි කාලීන වීසා ලබාගෙන මෙරටට පැමිණ මැඩගස්කරයේ තරුණියන් මෙරටට ගෙන්වා ගණිකා වෘත්තියේ යොදවා ඇති බවත් ඇයගේ වීසා කාලය අවලංගුවීමෙන් අනතුරුවද ඇය මෙරට රැඳී සිටිමින් එම නීති විරෝධී ක්රියාකාරකම්වල යෙදී ඇති බවද අපරාධ පරීක්ෂණ දෙපාර්තමේන්තුව අධිකරණයට දැන්වුවා.
විසා නොමැතිව මෙරට තුළ රැඳී සිටීමේ චෝදනාවත් සම්බන්ධයෙන් වරදකරු කෙරුණු විත්තිකාරයට දඬුවම් නියම කිරීම ලබන 29 දිනට එසේ කල් තැබුණා.
මැඩගස්කරයේ තරුණියන් මෙරටට ගෙන්වා ගණිකාව වෘත්තියේ යෙදවීම යන චෝදනාව සම්බන්ධයෙන් ඇයට එරෙහිව මහාධිකරණය හමුවේ නඩු පවරා ඇති බවද පොලිසිය අධිකරණයට දැන්වීය.
