පොලිස්පති ප්රියන්ත වීරසුරිය විසින් ජ්යෙෂ්ඨ නියෝජ්ය පොලිස්පතිවරයෙක්ට එරෙහිව ජාතික පොලිස් කොමිසමට සහ අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත්කර තිබෙනවා.
පොලිසියේ අතිශය රහසිගත අභ්යන්තර ලිපිගොනු බාහිර පාර්ශ්වයන් වෙත ලබාදී ඇති බවත් පොලිස්පතිවරයා ඇතුළු උසස් නිලධාරීන් සම්බන්ධයෙන් සාවද්ය තොරතුරු සමාජ මාධ්ය ක්රියාකරිකයෙක්ට ලබාදී ඇති බවට අනාවරණය වීම මත පොලිස්පතිවරයා විසින් මෙලෙස පැමිණිලිකර තිබෙනවා.
අදාළ ජ්යෙෂ්ඨ නියෝජ්ය පොලිස්පතිවරයා, කුරුණෑගල ප්රදේශයේ පදිංචි සමාජ මාධ්ය ක්රියාකාරිකයෙක් යැයි පවසන පුද්ගලයෙක් සමඟින් පොලිස්පතිවරයා සහ දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත් සම්බන්ධයෙන් ව්යාජ පුවත් නිර්මාණය කරන හඬපටයක් ද ජාතික පොලිස් කොමිෂන් සභාව වෙත යොමු කර ඇති බවයි වාර්තා වන්නේ.
ඒ අනුව අපරාධ පරීක්ෂණ දෙපාර්තුමේන්තුව විසින් පොලිස්පති ප්රියන්ත වීරසූරියගෙන් සහ අදාළ හඬපටයේ දුරකථන සංවාදය සිදුකළ බව කියන කුරුණෑගල ප්රදේශයේ පදිංචි සමාජ මාධ්ය ක්රියාකාරිකයෙක්ගෙන්ද ප්රකාශ සටහන් කරගෙන ඇති බවයි වාර්තා වන්නේ.
