පිටකොටුව මධ්යම බස් නැවතුම්පොළ නවීකරණය කිරීමේ ව්යාපෘතිය අද (15) පෙරවරුවේ ජනාධිපති අනුර කුමාර දිසානායකගේ ප්රධානත්වයෙන් ආරම්භ වුණා.
මෙම අවස්ථාව සඳහා ප්රවාහන අමාත්ය බිමල් රත්නායක ඇතුළු මැති ඇමතිවරු පිරිසක් එක්ව සිටියා.
මෙහිදී අදහස් දක්වමින් ප්රවාහන අමාත්යවරයා සඳහන් කළේ නවීකරණය කෙරෙන පිටකොටුව මධ්යම බස් නැවතුම්පළේ සංවර්ධන කටයුතු සිංහල දෙමළ අලුත් අවුරුද්දට පෙර නිමකිරීමට බලාපොරොත්තු වන බවයි.
“පොහොසත් රටක්-ලස්සන ජීවිතයක්” උදාකර දීමේ රජයේ වැඩපිළිවෙළට අනුව, ‘Clean Sri Lanka’ ව්යාපෘතිය යටතේ රුපියල් මිලියන 425ක ප්රතිපාදන යොදා ගනිමින් මෙම නවීකරණ ව්යාපෘතිය ක්රියාත්මකයි.
වසර 60ක කාලය තුළ මෙම පර්යන්තය සම්පූර්ණයෙන් වසා දමා සියලු පහසුකම් සහිත නවීන සහ ආකර්ෂණීය බස් නැවතුම්පොළක් ලෙස පුර්ණ සංවර්ධනයකට ලක් කෙරෙන පළමු අවස්ථාව මෙය වීම විශේෂත්වයක්.
ශ්රී ලංකා ගුවන් හමුදාවේ සෘජු ශ්රම දායකත්වය සහ කොළඹ මහ නගර සභාව, ලංකා විදුලිබල මණ්ඩලය, ජාතික ජල සම්පාදන හා ජලාපවහන මණ්ඩලය, මාර්ග සංවර්ධන අධිකාරිය සහ නාගරික සංවර්ධන අධිකාරිය ඇතුළු අදාළ අනෙකුත් ආයතනවල දායකත්වයෙන් සහ සහයෝගයෙන් මෙම ව්යාපෘතිය ක්රියාත්මක කෙරෙන අතර, ජාතික විද්වත් සංසදය (NIO Engineering) ඇතුළු සංවිධානද ස්වේඡාවෙන්ම මේ සඳහා එක්ව සිටිනවා.
