දශක ගණනාවක් තිස්සේ අලුත්වැඩියා හා යාවත්කාලීන කිරීම් සිදු නොකිරීම හේතුවෙන් පිටකොටුව මධ්යම බස් නැවතුම්පොළෙහි ප්රවේශ මාර්ග, බස්රථ අංගන, මගී නැවතුම්, රියදුරු කොන්දොස්තර විවේකාගාර, පරිපාලන ගොඩනැගිලි, සනීපාරක්ෂක හා ජල අපවහන පද්ධති මේ වන විට ඉතා අබලන් තත්ත්වයකට පත්ව තිබෙනවා.
එම තත්ත්වය හේතුවෙන් පිටකොටුව මධ්යම බස් නැවතුම්පොළ භාවිත කරනු ලබන මගී ජනතාවට මෙන්ම රියදුරු හා කොන්දොස්තර මහත්වරුන්ට සහ මෙහෙයුම් කාර්යමණ්ඩලයට දැඩි අපහසුතාවන්ට මුහුණදීමටයි සිදුව ඇත්තේ.
එබැවින්, පිටකොටුව මධ්යම බස්රථ නැවතුම්පොළ ප්රතිසංස්කරණය කිරීම හා වර්තමානයට ගැළපෙන ලෙස සංවර්ධනය කිරීම දැඩි කාලීන අවශ්යතාවයක් ලෙස හඳුනාගනු ලැබ තිබෙනවා.
අදාළ නවීකරණ කටයුතු හා සංවර්ධනයන් සඳහා රුපියල් මිලියන 425ක් පමණ වැය වනු ඇතැයි ඇස්තමේන්තු කර ඇති අතර, ඒ අනුව ‘Clean Sri Lanka’ වැඩසටහන සඳහා වෙන් කර ඇති ප්රතිපාදන යොදා ගනිමින්, ශ්රී ලංකා ගුවන් හමුදාවේ ඍජු ශ්රම දායකත්වය සහ කොළඹ මහ නගර සභාව, ලංකා විදුලිබල මණ්ඩලය, ජාතික ජල සම්පාදන හා ජලාපවහන මණ්ඩලය, මාර්ග සංවර්ධන අධිකාරිය සහ නාගරික සංවර්ධන අධිකාරිය ඇතුළු අදාළ අනෙකුත් ආයතනවල දායකත්වය සැපයෙනවා.
ඒ, අනුව පිටකොටුව මධ්යම බස්රථ නැවතුම්පොළ නවීකරණය හා සංවර්ධනය කිරීම පිණිස ප්රවාහන, මහාමාර්ග, වරාය සහ සිවිල් ගුවන් සේවා අමාත්යවරයා ඉදිරිපත් කළ යෝජනාව අමාත්ය මණ්ඩලයයේ අනුමැතිය හිමිව තිබෙනවා.
