පිළියන්දල, බෝකුන්දර ප්රදේශයේ පදිංචි කාන්තාවක් මත්ද්රව්ය ජාවාරමෙන් උපයා ගන්නා ලද මුදලින් දේපළ සහ වත්කම් මිලදී ගැනීම සම්බන්ධයෙන් ලැබුණු පැමිණිල්ලක් මත විමර්ශන ආරම්භ කර තිබෙනවා.
අදාළ පැමිණිල්ල නීති විරෝධී වත්කම් විමර්ශන කොට්ඨාසයට ලැබී ඇති බවයි පොලිසිය පවසන්නේ.
ඒ, අනුව නීති විරෝධී අයුරින් උපයාගන්නා ලද මුදලින් දේපළ මිලදී ගැනීම පරිහරණය කිරීම හා එමඟින් මුදල් උපයා ගැනීම සම්බන්ධයෙන් අදාළ සැකකාරිය පසුගිය 29 වනදා නීතිවිරෝධි වත්කම් විමර්ශන කොට්ඨාසය විසින් අත්අඩංගුවට ගෙන තිබෙනවා.
එලෙස අත්අඩංගුවට ගෙන ඇති සැකකාරිය බෝකුන්දර, පිළියන්දල ප්රදේශයේ පදිංචි වයස 36ක තැනතියක්.
සැකකාරියගේ පෙර වැරදි සම්බන්ධව විමර්ශනයේ දී ඇයහෙරොයින් මත්ද්රව්ය සමඟ පොලිස් අත්අඩංගුවට පත්ව අධිකරණයේ නඩු පවරා ඇති බවට අනාවරණය වී තිබෙනවා.
තවද සැකකාරිය නීතිවිරෝධී ආකාරයට උපයා ගන්නා ලද රුපියල් කෝටි 03ක පමණ මුදලින් මිලට ගත් පිළියන්දල ප්රදේශයේ පිහිටි ඉඩමක් පසුගිය 09 වනදා සිට දින 07ක කාලයක් මුදල් විශුද්ධිකරණ පනත ප්රකාරව ක්රියා විරහිත කර තිබූ අතර, මේ සම්බන්ධව හෝමාගම මහාධිකරණයට කරුණු වාර්තා කිරීමෙන් පසු එම ක්රියාවිරහිත කිරීමේ නියෝගය 2025.10.15 වන දින දක්වා දීර්ඝකර බලාත්මක කර ඇති බවයි පොලිසිය සඳහන් කළේ.
අදාළ සැකකාරිය පසුගිය ජුලි 29 වන දින කැස්බෑව මහේස්ත්රාත් අධිකරණයට ඉදිරිපත් කිරීමෙන් පසු රුපියල් පනස්දහසක මුදල් ඇපයක් සහ රුපියල් ලක්ෂ 05 බැගින් වූ ශරීර ඇප 02කක් මත මුදාහැර තිබෙනවා.
නීතිවිරෝධී වත්කම් විමර්ශන කොට්ඨාසය මේ සම්බන්ධයෙන් වැඩිදුර විමර්ශන සිදුකරනු ලබනවා.
