මෙරට ඩිජිටල් මාධ්ය අවකාශයේ කටයුතු කරන ජනමාධ්යවේදීන්ගේ එකතුවෙන් නිර්මාණය වූ ‘ඩිජිටල් මාධ්යවේදීන්ගේ සංගමය’ ඊයේ (28) නිල වශයෙන් එළිදැක්වනු ලැබුවා.
ඩිජිටල් මාධ්ය, ක්ෂේත්රයක් ලෙස වර්ධනයවීමත් සමඟ මතු වී තිබෙන සහ මතුවෙමින් පවතින අභියෝග සහ ගැටලුවලට එකමුතුවක් ලෙස මුහුණදීමේ අරමුණින් මෙම සංගමය පිහිටුවා තිබෙනවා.
මෙම උත්සවයේදී අදහස් දක්වමින් සංගමයේ සභාපති මංජුල බස්නායක ප්රකාශ කර සිටියේ, ගෝලීය වශයෙන් පැමිණෙන ගැටළුවලදී එකතුවක් ලෙස මුහුණදීමට හැකියාව තිබෙන බවයි.
එමෙන්ම සාවද්ය තොරතුරු පැතිර යාමත්, නියාමනයන් සම්බන්ධ ගැටලු හා ඩිජිටල් මාධ්ය ආචාරධර්ම පිළිබද ගැටලුවලට විසදුම් සෙවීමට මෙම සංගමය හරහා හැකිවන බවත් සඳහන් කළා.
මෙම අවස්ථාවේ මතුවුණු වැදගත් අදහසක් ලෙස සභාපතිවරයා ප්රකාශ කර සිටියේ, රජයට සිය සහයෝගය අවශ්ය බව මෙන්ම තමන්ට ද රජයේ සහයෝගය අවශ්ය බවයි.
මෙම සංගමය පිහිටුවීමෙන් ඒ සදහා නිවැරදි හා ඒකාබද්ධ ප්රවේශයක් තුළින් නියාමනයන් සම්බන්ධව ද මැදිහත්වීමට අවස්ථාව ලැබෙන බව එහිදී ප්රකාශ වුණා.
මේ වන විටත් ඩිජිටල් මාධ්යවේදීන්ගේ සංගමයේ මූලිකත්වයෙන් ඩිජිටල් මාධ්ය ආචාරධර්ම පද්ධතියක් සහ එම සංගමයේ ව්යවස්ථාවක් සකස් කිරීමේ කටයුතු ආරම්භ වී තිබෙන බවත් ඔහු වැඩිදුරටත් සඳහන් කළා.
ඩිජිටල් මාධ්යවේදීන්ගේ සංගමයේ සභාපති ලෙස මංජුල බස්නායක කටයුතු කරන අතර, උප සභාපති ලෙස නිරෝෂ් මෛත්රී කටයුතු කරනවා.
එම සංගමයේ ලේකම් තනතුරේ තුෂාරා සෙව්වන්දි කටයුතු කරන අතර, උප ලේකම් ලෙස කටයුතු කරන්නේ අභිෂේකා ප්රනාන්දුයි.
මනෝජ් රත්නායක කැදවුම්කරු වශයෙන් කටයුතු කරන අතර, භාණ්ඩාගාරික ලෙස සචිත්ර වික්රමනායක කටයුතු කරනවා.
එමෙන්ම මෙම සංගමයේ උපදේශක ලෙස කටයුතු කරන්නේ මාධ්යවේදී මන්දනා ඉස්මයිල් අබේවික්රමයි.
කමිටු සාමාජිකයින්,
රත්නම් තායාපාරන්
කේශාල් ජයසිංහ
අසාම් අමීන්
රන්හිරු සුභාවික්රම
තරිදු උඩුවරගෙදර
රාජගෝපාල් යෂිහරම්
ධනංජය නාරන්බැද්ද
උස්මාන් අකීල්
