ටෙස්ට් ක්‍රිකට් ඉතිහාසයේ ඉනිමක දී ක්‍රීඩකයෙක් රැස්කළ ඉහළම ලකුණු සංඛ්‍යාවේ වාර්තාව තමා සතුකර ගැනීමට තිබූ අවස්ථාව දකුණු අප්‍රිකානු තාවකාලික ටෙස්ට් නායක වියාන් මෝල්ඩර් විසින්ම අහිමිකර ගත්තා.
ඒ, සිම්බාබ්වේ කණ්ඩායම සමඟ පැවැත්වෙන දෙවන ටෙස්ට් තරගයේ දකුණු අප්‍රිකානු පළමු ඉනිම කඩුලු 05ක් දැවී ලකුණු 626ක් රැස්කරගෙන සිටිය දී ඉනිම අත්හිටුවීමට තීරණය කරමින්.
මෙම තරගයේ දෙවන දිනය වූ අද (07) දිනයේ දිවා ආහාරයෙන් පසු දකුණු අප්‍රිකානුවන් සිය පළමු ඉනිම අත්හිටුවන විට නායක වියාන් මෝල්ඩර් නොදැවී ලකුණු 367ක් රැස්කරගෙන සිටියා.
ඒ අනුව ඔහුට ටෙස්ට් ක්‍රිකට් ඉතිහාසයේ ඉනිමක දී ක්‍රීඩකයෙක් රැස්කළ ඉහළම ලකුණු සංඛ්‍යාවේ වාර්තා සම කිරීමට තවත් ලකුණු 33ක් අවශ්‍යව තිබූ අතර එම වාර්තාව පසුකර යාමට අවශ්‍යව තිබුණේ තවත් ලකුණු 34ක් පමණයි.
කෙසේ වෙතත් එම ස්වර්ණමය අවස්ථාව තමා විසින්ම මඟ හැරගත් දකුණු අප්‍රිකානු නායක වියාන් මෝල්ඩර් දකුණු අප්‍රිකා ඉනිම අත්හිටුවමින් සිම්බාබ්වේ කණ්ඩායමට පන්දුවාර පහරදීමට ආරාධනා කළා.
කෙසේ වෙතත් බුලවායෝ හිදී පැවැත්වෙන මෙම තරගය දෙස ලොව පුරා සිටින ක්‍රිකට් ලෝලීන් දෑස් දල්වා බලා සිටියේ වියාන් මෝල්ඩර් එම ලෝක වාර්තාව තමාගේ නම ඉදිරියේ ලියගනු ඇතැයි අපේක්ෂාවෙන්.
ටෙස්ට් ක්‍රිකට් ඉතිහාසයේ ඉනිමක දී ක්‍රීඩකයෙක් රැස්කළ ඉහළම ලකුණු සංඛ්‍යාවේ වාර්තාව බටහිර ඉන්දීය කොදෙව් හිටපු සුපිරි පිත්කරු බ්‍රයන් ලාරාගේ නම ඉදිරියේ තවමත් ලිය වී පවතිනවා.
ලාරා ටෙස්ට් ඉනිමක දී ලකුණු 400ක් රැස්කරගෙන එම ලෝක වාර්තාව තමාගේ නම ඉදිරියේ ලියාගත්තා.
👍👍🙏🙏