වැල්ලවාය පොලිස් ස්ථානයේ නිලධාරීන් පිරිසක් විසින් ලද තොරතුරක් අනුව වැල්ලවාය නගරය ආසන්න ප්රදේශයේ දී වැටලීමක් සිදුකර තිබෙනවා.
මෙම වැටලීමේ දී පොලීසියට අවශ්යයව සිටි වැල්ලවාය ප්රදේශයේ මහා පරිමාණ මත්ද්රව්ය ජාවාරම්කරුවෙකු වන ‘මහවෙලමුල්ලේ සාන් සුද්දා’ නොහොත් ‘සම්පත් කුමාර’ නැමැති පුද්ගලයා පොලිස් අත්අඩංගුවට ගැනීමට පොලිස් නිලධාරීන් කටයුතු කර ඇති බවයි වාර්තා වුණේ.
එහිදී සැකකරු විසින් පොලීසියට තියුණු ආයුධයකින් පහර දී ඇති අතර, පසුව පොලිස් නිලධාරීයෙකු විසින් සැකකරුගේ දණහිසෙන් පහතට වෙඩි තබා තිබෙනවා.
වෙඩි තැබීමෙන් තුවාල ලැබූ සැකකරු වැල්ලවාය මූලික රෝහලට ඇතුළත් කර ඇති අතර, පසුව වැඩිදුර ප්රතිකාර සඳහා මොණරාගල දිස්ත්රික් මහ රෝහලට මාරු කර යවා ඇති බවයි වාර්තා වන්නේ.
මෙම සැකකරු ප්රදේශයේ මත්ද්රව්ය ජාවාරම ඇතුළු අපරාධ රැසක් සම්බන්ධයෙන් අධිකරණයේ නඩු විභාග වෙමින් පවතින බව පොලීසිය සඳහන් කළා.
සැකකරු සන්තකයේ තිබූ පාර්සලයක තිබී මත්ද්රව්ය ද පොලිස් නිලධාරීන් විසින් සොයාගෙන ඇති අතර, සිද්ධිය සම්බන්ධයෙන් වැල්ලවාය පොලිසිය වැඩිදුර විමර්ශන සිදුකරනු ලබනවා.
wpDiscuz
