මහනුවර අධ්යාපන දෙපාර්තමේන්තුවේ පරිගණක යන්ත්ර මිලදී ගැනීමේ සිද්ධියකදී රුපියල් කෝටි දොළහක පමණ මූල්ය වංචාවක් හෙළිදරව් කිරීමේ සිද්ධියෙන් පසුව ඇසිඞ් ප්රහාරයකට ලක්වීමෙන් මහත් ආන්දෝලනයකට කේන්ද්ර වූ හිටපු සහකාර විගණන අධිකාරි ලලිත් අඹන්වල මහතා අභාවප්රාප්ත වී තිබෙනවා.
මහනුවර මධ්යම පළාත් විගණන අධිකාරි ලෙස කටයුතු කරමින් සිටියදී මීට දස වසරකට පමණ පෙර මෙම මූල්ය වංචාව අනාවරණය කිරීමෙන් පසුව මහනුවර අස්ගිරිය ප්රදේශයේදී ලලිත් අඹන්වල මහතා ඇසිඞ් ප්රහාරයකට ලක්වූ බව වාර්තා වුවා.
අවංක කෘතහස්ථ සහකාර විගණන අධිකාරිවරයකු වූ ලලිත් අඹන්වල මහතා වලල මධ්ය මහා විද්යාලයේ සහ මාතලේ ශාන්ත තෝමස් විද්යාලයේ ආදි ශිෂ්යයෙක්. ශ්රී ජයවර්ධනපුර විශ්ව විද්යාලයේ වාණිජ වේදී විශේෂ උපාධිධාරියෙක් වසර 34 ක් පමණ කාලයක් විගණකාධිපති දෙපාර්තමේන්තුවේ සේවය කර ඇති ඒ මහතා දෙදරු පියෙක්ද වනවා . ඔහුගේ බිරිඳ රාජ්ය සේවිකාවක්.
ලලිත් අඹන්වල මහතාගේ දේහය ගුන්නෑපාන, නාපාන, බෝගස්කුඹුර නිවසේ තැන්පත් කර තිබෙනවා
wpDiscuz
