වැලිගම ස්ථානාධිපති ශරීර ඇප මත නිදහස් – විදෙස් ගමන් තහනමකුත්

වැලිගම පොලිස් ස්ථානයේ වැඩබලන ස්ථානාධිපතිවරයා ඇප මත මුදා හැරීමට අධිකරණය නියෝග කර තිබෙනවා.

අද (04) පෙරවරුවේ ස්ථානාධිපතිවරයා මාතර මහේස්ත්‍රාත් අධිකරණය වෙත භාරවීමෙන් අනතුරුව අදාළ නඩුව කැඳවූ බවයි වාර්තා වන්නේ.

ඒ අනුව වැලිගම පොලිස් ස්ථානාධිපතිවරයා ව රුපියල් ලක්ෂ 05 බැගින් වූ ශරීර ඇප දෙකක් මත නිදහස් කිරීමට නියෝග ලැබී තිබෙනවා.

මීට අමතර ව ඔහුට විදෙස් ගමන් තහනමක් ද පනවා ඇති අතර හෙට (05) පෙරවරුවේ අපරාධ පරීක්ෂණ දෙපාර්තමේන්තුව හමුවට ප්‍රකාශයක් ලබාදීමට පැමිණෙන ලෙසට ද නියෝග කර තිබෙනවා.

හිටපු පොලිස්පති දේශබන්දු තෙන්නකොන් මහතාගේ සිදුවීමට අදාළ ව ඔහුව අත්අඩංගුවට ගැනීම සඳහා අධිකරණ නියෝගයක් ද ලැබී තිබූ පසුබිමකයි ඔහු අද පෙරවරුවේ අධිකරණයට භාරවූයේ.