නව ත්රිවිධ හමුදාපතිවරු සහ ජනාධිපති අනුර කුමාර දිසානායක මහතා අතර හමුවක් ඊයේ (06) පැවැත්වුණා.
ජනාධිපති ලේකම් කාර්යාලයේ දී මෙම හමුව පැවැත්වූ අතර නව ත්රිවිධ හමුදාපතිවරු ධුරයට පත්වීමෙන් අනතුරුව සිදු කෙරුණු ප්රථම ජනපති හමුව මෙයයි.
නව යුද හමුදාපති ලුතිනන් ජනරාල් ලසන්ත රොද්රිගෝ, නව නාවික හමුදාපති වයිස් අද්මිරාල් කාංචන බානගොඩ සහ නව ගුවන් හමුදාපති එයාර් මාර්ෂල් වාසු බන්දු එදිරිසිංහ යන මහත්වරු මෙලෙස ජනාධිපතිවරයා ව හමුවුණා.
ධුරයට පත්වීමෙන් පසු ත්රිවිධ හමුදාපතිවරු සාම්ප්රදායානුකූලව ජනාධිපතිවරයා හමු වන අතර එහිදී නිල වශයෙන් සමරු ඵලක ද පිරිනැමුණා.
