ටෙස්ට් ලෝක ශූරතාවේ අවසන් මහා තරගය සඳහා සුදුසුකම් ලැබීමට ඕස්ට්රේලියානු කණ්ඩායම අද (05) සමත් වුණා.
ඒ, ඉන්දියාව සමඟ පැවති බෝඩර් ගවස්කාර් කුසලායේ පස්වන තර ජයගෙන තරගාවලිය තරග තුනට එකක් ලෙස ජයගැනීමත් සමඟයි.
මෙම ජයග්රහණයත් සමඟ එළඹෙන ජුනි 11 වනදා එංගලන්තයේ ලෝර්ඩ්ස් ක්රිකට් ක්රීඩාංගනයේ දී දකුණු අප්රිකාව සමඟ ඕස්ට්රේලියානු කණ්ඩායම 2023-2025 ටෙස්ට් ලෝක ශූරතාව වෙනුවෙන් තරග වදිනු ඇති.
ඕස්ට්රේලියානු කණ්ඩායම ටෙස්ට් ලෝක ශුරතාවේ අවසන් මහා තරගයක් සඳහා සුදුසුකම් ලැබූ දෙවන අවස්ථාව මෙයවීම ද විශේෂත්වයක්.
ඕස්ට්රේලියානු කණ්ඩායම ලැබූ මෙම ජයග්රහණයත් සමඟ අවසන් මහා තරග සඳහා එක්වීමට ශ්රී ලංකාවට තිබූ බලාපොරොත්තුව බොඳ වී ගියා.
යම් හෙයකින් ඕස්ට්රේලියාව සහ ඉන්දියාව අතර අද අවසන් වූ පස්වන සහ අවසන් ටෙස්ට් තරගය ජය පරාජයෙන් තොරව අවසන් වූවානම්; අවසන් මහා තරගය සඳහා ශ්රී ලංකාවට තව දුරටත් බලාපොරොත්තු තබා ගැනීමට අවස්ථාව පවතිනවා.
මේ අතර ටෙස්ට් ලෝක ශුරතාවලියේ දී ඕස්ට්රේලියානු කණ්ඩායමට තවත් තරග දෙකක් ඉතිරිව පවතින අතර, එම තරග දෙක ශ්රී ලංකාව සමඟ එළඹෙන 27 වනදා ආරම්භ වනවා.
