උත්සව සමයේ රථවාහන අනතුරු අවම කරගැනීමේ අරමුණින් වැඩබලන පොලිස්පති ප්‍රියන්ත වීරසූරිය මහතාගේ උපදෙස් පරිදි විශේෂ රථවාහන මෙහෙයුමක් ක්‍රියාත්මක කර තිබෙනවා.
ඒ දෙසැම්බර් මස 20 වැනි දින සිට මුළු දිවයිනම ආවරණය වන පරිදියි.
ඒ අනුව ඊයේ (26) දින උදෑසන 06 සිට අද උදෑසන 06 තෙක් ගෙවුණු පැය 24 ක කාලය තුළ බීමත් ව රිය පැදවූ රියදුරන් 417 දෙනෙකු පොලිසිය විසින් අත් අඩංගුවට ගනු ලැබුවා.
එමෙන්ම තවත් රියදුරන් 53 දෙනෙකු අපරික්ෂාකාරී හා අන්තරාදායක ලෙස රිය පැදවීමේ චෝදනා මත අත් අඩංගුවට ගැනුණා.
අධික වේගයෙන් රිය පැදවීම සම්බන්ධව රියදුරන් 123 දෙනෙකු, මාර්ග නීති උල්ලංඝනය කිරීම සම්බන්ධයෙන් රියදුරන් 1375 දෙනෙකු, බලපත්‍ර වැරදි සම්බන්ධයෙන් රියදුරන් 690 දෙනෙකු සහ වෙනත් රථවාහන වැරදි සම්බන්ධයෙන් රියදුරන් 6279 දෙනෙකු අත් අඩංගුවට ගෙන ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
ඒ අනුව ගෙවුණු පැය 24ක කාලය තුළ රථවාහන වැරදි සම්බන්ධයෙන් අත් අඩංගුවට ගෙන ඇති මුළු සැකකරුවන් ප්‍රමාණය 8937ක්.
