මරණයට පත් වූ කාන්තාවන් දෙදෙනෙකුගේ මළ සිරුරු මාරු වී ඥාතීන්ට භාර දුන් පුවතක් නිකවැරටිය රෝහලෙන් වාර්තා වුණා.
රෝහල්ගතව සිටියදී මරණයට පත් වූ නිකවැරටිය ප්රදේශයේ තිදරු මවකගේ සිරුර මියගිය වෙනත් කාන්තාවකගේ ඥාතීන් පිරිසකට භාරදී ඇති අතර, ඔවුන් එම සිරුර මහව ප්රදේශයේදී ඊයේ ආදාහනය කර තිබෙනවා.
නිකවැරටිය පරණගොල්ල ප්රදේශයේ පදිංචි ආර්.ඩී. පොඩිනෝනා නමැති 67 හැවිරිදි තිදරු මව අසනීප තත්ත්වයක් උත්සන්නවීමෙන් නිකවැරටිය රෝහලට ඇතුළත් කිරීමෙන් අනතුරුව මියගොස් තිබෙනවා.
මෙහිදී සිදුව තිබුණේ නිකවැරටිය රෝහලේ ප්රතිකාර ලබමින් සිටියදී මියගිය මහව නිකවලයාය ප්රදේශයේ පදිංචි ජේ.පී. නෝනා නමැති 65 හැවිරිදි කාන්තාවගේ සිරුර වෙනුවට පොඩිනෝනාගේ සිරුර භාරදී තිබීමයි.
මේ අතර, මහවට රැගෙන ගිය නිකවැරටිය පොඩි නෝනාගේ දේහය ඊයේ දිනයේදී ආදාහනය කර තිබෙනවා.
කෙසේ වෙතත් අද පස්වරුවේ නැවතත් නිකවැරටිය රෝහලට පැමිණි ඥාතීන් ජේ.පී. නෝනාගේ සැබෑ දේහය යළිත් අවසන් කටයුතු සිදු කිරීම සඳහා මහවට රැගෙන ගිය බවයි අප වාර්තාකරු සඳහන් කළේ.
වීඩියෝව පහතින්,
