විදුලි ගාස්තු සංශෝධනයට අදාළ අධ්යයන කටයුතු මේ වනවිට ආරම්භ කර ඇති බව මහජන උපයෝගිතා කොමිෂන් සභාව පවසනවා.
විදුලි නිෂ්පාදනය සඳහා ලංකා විදුලිබල මණ්ඩලයට ලබාදී ඇති ඉන්ධන මිල සම්බන්ධයෙන් ඛනිජ තෙල් නීතිගත සංස්ථාවේ වාර්තාව ද ලැබී ඇති බවයි එම කොමිසම සඳහන් කළේ.
මෙම වාර්තාව සහ අනෙකුත් අදාළ කරුණු පදනම් කර ගනිමින් එම අධ්යයනය සිදුවෙමින් පවතින බව මහජන උපයෝගිතා කොමිෂන් සභාව වැඩිදුරටත් සඳහන් කර සිටියා.
එම අධ්යයනය පිළිබඳ සවිස්තර වාර්තාවක් දෙසැම්බර් 17 වනදා මහජනතාවට නිකුත් කරන බවත්, ඒ අනුව මහජන අදහස් එක්රැස් කිරීමේ කටයුතු ලබන 17 වනදා ආරම්භ වන බවත් සඳහන් කළ කොමිසම; උපදේශන කාලය දින 21ක් පුරාවට පැවැත්වෙන බවයි පැවසුවේ.
