පානදුර හා අවට ප්‍රදේශ රැසකටම අයිස් මත්ද්‍රව්‍ය ජාවාරමේ නිරත වූ ‘පානදුර නිලංගගේ’ ගෝලයෙක් කළුතර අපරාධ කොට්ඨාසය මඟින් අත්අඩංගුවට ගෙන තිබෙනවා.
පොලිසියට ලද තොරතුරක් මත පානදුර, වලාන මංසන්ධියේ දී සැකකරු අත්අඩංගුවට ගැනීමට පොලිසියට හැකියාව ලැබී තිබෙනවා.
මෙම සැකකරු අත්අඩංගුවට ගෙන පරීක්ෂා කිරීමේදී ඔහු සන්තකයේ තිබී ලක්ෂ හතකට ආසන්න අයිස් මත්ද්‍රව්‍ය ග්‍රෑම් 52ක් සොයා ගැනීමට හැකි වූ බවයි පොලිසිය පැවසුවේ.
අත්අඩංගුවට ගැනුණු සැකකරු ගල්කිස්ස ප්‍රදේශයේ පදිංචිකරුවෙක් වන අතර, මොහු තාවකාලිකව මහබෙල්ලන තොටුපොළ පාරේ කුලී නිවසක පදිංචිව සිට මෙම ජාවාරම සිදුකරගෙන ගොස් තිබෙනවා.
වැඩිදුර විමර්ශනවල දී අනාවරණය වී ඇත්තේ සැකකරු විසින් මෙම අයිස් මත්ද්‍රව්‍ය වාද්දුව, පානදුර,පානදුර උතුර, පින්වත්ත, එළුවිල යන ප්‍රදේශවලට බෙදාහැර ඇති බවයි.
සැකකරු අද (02) දින පානදුර මහේස්ත්‍රාත් අධිකරණයට ඉදිරිපත් කර රැඳවුම් නියෝග ලබාගැනීමට නියමිතයි.
