සිව්දිනක සිට අතුරුදන් වූ 35 හැවිරිදි තරුණයෙකුගේ මළසිරුරක් අලුත්වෙල – හාමුදුරුකන්ද රක්ෂිතයෙන් සොයාගෙන තිබෙනවා.
දසත ප්‍රවෘත්ති අංශයට වාර්තා වූ තොරතුරු මත මෙම පුද්ගලයා පසුගිය 18 වැනිදා අතුරුදන් ව ඇති බවට තණමල්විල පොලිසියට ද පැමිණිල්ලක් ලැබී ඇති බවයි වාර්තා වන්නේ.
ඒ අනුව විමර්ශන ඇරඹූ පොලිස් නිලධාරින්ට අද (22) කොස්ලන්ද පොලිස් ස්ථානය මගින් දුන් පණිවිඩයකට අනුවයි අදාළ අතුරුදන් වූ තැනැත්තාගේ මළසිරුර හමු වී ඇත්තේ.
මළසිරුර සොයාගන්නා විට දී ඔහුගේ සිරුරේ හිස කඳින් වෙන් ව තිබූ බව ද වාර්තා වනවා.
මෙලෙස මියගොස් ඇත්තේ තණමල්විල – අරාවේගම පදිංචි රොෂාන් දිමුතු නම් අයෙක්.
සිය පුත්‍රයාගේ අතුරුදන් වීම සම්බන්ධයෙන් ඔහුගේ මව විසිනුයි පොලිසියට පැමිණිල්ල ඉදිරිපත් කර ඇත්තේ.
සිදුවීම සම්බන්ධයෙන් සිදු කළ මුලික විමර්ශනවලින් අනාවරණය වී ඇත්තේ මරණකරු සහ එම ප්‍රදේශයේ ම පදිංචි වසන්ත නමැති අයෙක් 44 හැවිරිදි වැන්දඹු කාන්තාවක් සමග පැවති අනියම් සබඳතාව හේතුවෙන් වසන්ත නමැත්තා විසින් මොහුව ඝාතනය කර ඇති බවයි.
සිද්ධිය සම්බන්ධයෙන් තණමල්විල පොලිස් විමර්ශන ක්‍රියාත්මකයි.
