දිවයිනේ විවිධ ප්‍රදේශවල මාර්ගයේ ගමන් ගන්නා මහජනතාවගේ ස්වර්ණාභරණ කොල්ලකෑ කාන්තාවන් දෙදෙදෙනකු ඇතුළු සිව්දෙනෙකු පොලිස් අත්අඩංගුවට ගෙන තිබෙනවා.
දසත ප්‍රාදේශීය වාර්තාකරු පැවසුවේ; හම්බෙගමුව පොලිස් ස්ථානයේ ස්ථානාධිපතිවරයාට ලද තොරතුරක් අනුව සිදු කළ වැටලීමකදී මෙම සැකකාරිණියන් ඇතුළු පිරිස අත්අඩංගුවට ගැනුණු බවයි.
සැකකරුවන් සන්තකයේ තිබී කොල්ලකෑම් සඳහා උපයෝගී කරගත් කුලී පදනම මත ලබාගත් මෝටර් රථයක්, මුදලින් රුපියල් 150,000ක් සහ රත්‍රං මාල උකස් කර ලබා ගත් රිසිට් පත් කිහිපයක් ද සොයාගැනුණා.
අත්අඩංගුවට සැකකාරියන් වයස අවුරුදු 26-29 යන වයස්වල පසුවන්නන්.
සැකකරුවන් වයස අවුරුදු 36-43 යන වයස්වල පසුවන්නන් බවත් පොලිසිය සඳහන් කරනවා.
මෙම සැකකරුවන් වෙහෙරයාය, බදුල්ල, බලහරුව සහ බඩල්කුඹුර යන ප්‍රදේශවල පදිංචිකරුවන්.
වැල්ලවාය මහේස්ත්‍රාත් අධිකරණයට අත්අඩංගුවට ගත් සැකකරුවන් ඉදිරිපත් කිරීමට නියමිත බවයි වාර්තා වන්නේ.
