චීනයේ ෂුහායි ප්රාන්තයේ ක්රීඩාංගණයක ව්යායාම කටයුතුවල නිරත ව සිටි පිරිසක් අතරට අධික වේගයෙන් පැමිණි මෝටර් රථයක් කඩා වැදීමෙන් එහි ව්යායාම කටයුතු කරමින් සිටි පුද්ගලයින් අතරින් 35 දෙනෙකු ජීවිතක්ෂයට පත් ව තිබෙනවා.
බීබීසී මාධ්ය වාර්තා කළේ; අදාළ අනතුරින් තවත් 43 දෙනෙකු බරපතළ තුවාල ලබා රෝහල්ගත කර ඇති බවයි.
අනතුර සිදු කළ රියදුරු 62 හැවිරිදි අයෙකු බවත් හෙතෙම අනතුරින් පසුව පලා යාමට කළ උත්සාහයේ දී චීන ප්රාන්ත පොලිස් අත් අඩංගුවට පත් ව තිබෙනවා.
කෙසේවෙතත් අනතුරින් පසුව රියදුරා දැඩි මානසික කම්පනයකට ලක් ව ඇති බවයි වාර්තා වන්නේ.
පසුගිය සතියේ දී සැකකාර රියදුරු සිය බිරිඳගෙන් නීත්යානුකූල ව වෙන් ව ඇති අතර දෙදෙනා අතර පැවති දේපොළ ආරවුල් බේරුම්කරණයක් හේතුවෙන් ඔහු දැඩි අතෘප්තියෙන් සිට ඇති බවත්; එහි තිබූ කම්පනකාරී තත්ත්වය හේතුවෙන් මෙම අනතුර සිදුව ඇති බව ද පැවසෙනවා.
මේ වනවිටත් සැකකාර රියදුරු දැඩි කොමා තත්ත්වයකින් පෙළෙන බැවින් ඔහුගෙන් ප්රශ්න කිරීමට සෞඛ්ය බලධාරීන්ගෙන් චීන පොලිසියට තවමත් අවසර හිමිව නැහැ.
චීන ජනාධිපති ෂී ජින් පිං සිද්ධිය සම්බන්ධයෙන් සිය දැඩි කනස්සල්ල පළ කළ අතර, තුවාලකරුවන්ට ප්රතිකාර කිරීමට සෑම උත්සාහයක්ම ගන්නා ලෙස බලධාරීන්ට උපදෙස් දී තිබෙනවා.
එමෙන්ම අපරාධකරුට දැඩි දඬුවම් දෙන ලෙසටත් නියෝග කර ඇති බවයි වාර්තා වන්නේ.
චීනය තුළ පසුගිය මාස කිහිපය තුළ මහජන සාමාජිකයින්ට ප්රචණ්ඩ ප්රහාර රාශියක් විවිධ අවස්ථාවල දී එල්ල වන ආකාරය දැකිය හැකි වුණා.
සැප්තැම්බරයේ ෂැංහයි හි සුපිරි වෙළඳසැලක පිහි ඇනුමකින් තිදෙනකු මියගිය අතර තවත් පිරිසක් තුවාල ලැබුවා.
එම මාසයේම, 10 හැවිරිදි ජපන් ශිෂ්යයෙකු දකුණු චීනයේ දී පාසල් ශිෂ්යයෙකුට පිහි ප්රහාරයක් එල්ල වීමෙන් හෙතෙම මියගියා.
