පෝලන්ත ජාතික විදේශීය යුවළක් ගමන් ගත් ස්කූටර් වර්ගයේ යතුරුපැදියක් ලංගම බස් රථයක ගැටීමෙන් ඊයේ (30) සවස් වරුවේ අනතුරක් සිදු වුණා.
දසත ප්‍රාදේශීය වාර්තාකරු පැවසුවේ; අනතුරින් දැඩි තුවාල ලැබූ පෝලන්ත ජාතික යුවළ මේ වන විට ප්‍රතිකාර සඳහා පොළොන්නරුව මහ රෝහලට ඇතුළත් කර ඇති බවයි.
හබරණ – පොළොන්නරුව ප්‍රධාන මාර්ගයේ ගිරිතලේ වැව පහළ වංගුව ප්‍රදේශයේ දී මෙම යුවළ බස් රථයේ ගැටී තිබෙනවා.
මඩකලපුව ඩිපෝවට අයත් මෙම ලංගම බස් රථය කල්මුණේ සිට කොළඹ බලා ධාවනය වෙමින් තිබූ අතර පෝලන්ත ජාතික යුවළ මින්නේරිය ප්‍රදේශයේ සිට පොළොන්නරුව බලා සිය යතුරුපැදියෙන් ගමන් කරමින් සිට ඇති බවයි හෙළි ව ඇත්තේ.
පෝලන්ත ජාතික කාන්තාව විසින් යතුරුපැදිය ධාවනය කර ඇති අතර මේ සම්බන්ධයෙන් මින්නේරිය පොලිසිය වැඩිදුර විමර්ශන ආරම්භ කර තිබෙනවා.
බස් රථය සහ ස්කූටර් වර්ගයේ යතුරුපැදිය මින්නේරිය පොලිසිය අත්අඩංගුවට ගැනුණා.
