අහංගම මහළු යුවළගේ ඝාතනයට අයෙක් ගාල්ලෙන් අල්ලයි

අහංගම පොලිස් වසමේ වැල්හේන්ගොඩ ප්‍රදේශයේ නිවසක් තුළ මහළු යුවළක් ගෙල කපා ඝාතනය කිරීමේ සිද්ධියක් සම්බන්ධයෙන් එක් සැකකරුවෙක් අත්අඩංගුවට ගෙන තිබෙනවා.

අපරාධය සම්බන්ධයෙන් පොලිසිය සිදුකළ විමර්ශනවල දී මෙම සැකකරු ඊයේ (13) දින අත්අඩංගුවට ගෙන ඇති බවයි වාර්තා වන්නේ.

ගාල්ල, ගංගාරාම මාවත ප්‍රදේශයේ දී අත්අඩංගුවට ගැනුණු සැකකරු මෙම අපරාධය සඳහා ආධාර අනුබල ලබාදුන් අයෙක් බවයි හෙළිව ඇත්තේ.

අත්අඩංගුවට පත් සැකකරු ගාල්ල, මාගාල්ල ප්‍රදේශයේ පදිංචි වයස අවුරුදු 50ක අයෙක් බව පොලිසිය සඳහන් කළා.

සිද්ධිය සම්බන්ධයෙන් අහංගම පොලිසිය වැඩිදුර විමර්ශන පවත්වනවා.

පසුගිය 04 වනදා උදෑසන කාලයේ මෙලෙස ඝාතනයට ලක්ව තිබුණේ වයස අවුරුදු 67ක පුද්ගලයෙක් සහ 63 හැවිරිදි කාන්තාවක්.