රුපියල් ලක්ෂ හැත්තෑ පහක් පමණ වටිනා ස්වර්ණාභරණ තොගයක් තීරු බදු නොගෙවා කටුනායක ගුවන් තොටුපොළෙන් පිට කිරීමට උත්සාහ කළ කාන්තාවන් දෙදෙනෙක් ගුවන් තොටුපොළ පොලිසිය විසින් ඊයේ (05) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මීගමුව සහ වෙන්නප්පුව යන ප්රදේශවල පදිංචිකාරිනියන් දෙදෙනෙක් බවයි වාර්තා වන්නේ.
ඔවුන් වයස අවුරුදු 45 සහ 47 යන වයස්වල පසුවන්නියන්.
මොවුන් දෙදෙනා ඊයේ (05) ඩුබායි සිට ශ්රී ලන්කන් ගුවන් සේවයේ යූ.එල් – 226 දරණ ගුවන් යානයෙන් කටුනායක ගුවන් තොටුපොළ වෙත පැමිණ ඇති අතර, ඔවුන් විසින් රැගෙන ආ ගමන් මළු පරීක්ෂා කිරීමේ දී ඒ තුළ තිබී රන් වළලු 12ක්, රන් මාලයක්, අත් පළඳනා 02ක්, රන් පෙන්ඩන්ට් 01ක් සහ රන් මුදු 02ක් තිබී සොයාගෙන තිබෙනවා.
වැඩිදුර විමර්ශන කටයුතු සදහා මෙම ස්වර්ණාභරණ සහ කාන්තාවන් දෙදෙනා කටුනායක ගුවන් තොටුපොළ රේගු නිලධාරීන් වෙත භාර දී ඇති බවයි වාර්තා වුණේ.
