ශ්‍රී ලංකාවේ සංචාරයක නිරත ඉන්දීය විදේශ කටයුතු අමාත්‍ය ආචාර්ය එස්. ජයශංකර් අද (04) පස්වරුවේ කොළඹ දී ජනාධිපති අනුර කුමාර දිසානායක හමු වී තිබෙනවා.
ජනාධිපති ධුරයට පත් අනුර කුමාර දිසානායකට, ඉන්දීය අග්‍රාමාත්‍ය නරේන්ද්‍ර මෝදි සහ ජනාධිපතිනී ද්‍රෞපදි මුර්මුර් උණුසුම් සුබ පැතුම් පළ කළ බව විදේශ කටයුතු අමාත්‍යවරයා මෙහිදී සඳහන් කළා.
ඉන්දු – ශ්‍රී ලංකා සබඳතා සඳහා අනුර කුමාර ජනාධිපතිවරයාගේ “උණුසුම් හැඟීම් සහ මග පෙන්වීම” අගය කරන බව ඉන්දීය විදේශ කටයුතු අමාත්‍යවරයා සිය එක්ස් ගිණුමේ සටහනක් තබමින් පවසා තිබෙනවා.
මේ අතර, රටවල් දෙකක සහ කලාපයේ ජනතාවගේ ප්‍රයෝජනය සඳහා ඉන්දු-ශ්‍රී ලංකා සබඳතා ශක්තිමත් කිරීමේ ක්‍රම මෙහිදී සාකච්ඡා කළ බවයි ඔහු එහි වැඩිදුරටත් දන්වා සිටියේ.
නිල සංචාරයක් සඳහා ඉන්දීය විදේශ කටයුතු අමාත්‍ය ආචාර්ය එස්.ජයශංකර් අද (04) උදෑසන දිවයිනට පැමිණියා.
ඔබේ ප්‍රතිචාරය කුමක්ද ?
+1
+1
+1
3
+1
+1
+1
+1
