දෑවැද්ද සම්බන්ධයෙන් ඇති වූ ආරවුලක් මුල්කරගෙන සැමියා විසින් සිය බිරිඳව ඝාතනය කළ පුවතක් ඉන්දියාවෙන් වාර්තා වනවා.
ඉන්දියාවේ උත්තර් ප්‍රදේශ් ප්‍රාන්තයේ අම්රෝහා ප්‍රදේශයේ දී මෙම ඝාතනය සිදුව ඇති බවයි තොරතුරු වාර්තා වුණේ.
දෑවැද්ද සඳහා TVS අපාචි වර්ගයේ යතුරුපැදියක් සහ රුපියල් ලක්ෂ 03ක මුදලක් සැමියා විසින් බිරිඳගෙන් ඉල්ලා ඇති අතර, එම ඉල්ලීම ඉටු නොකිරීම හේතුවෙන් ඇයව මෙලෙස ඝාතනය කර ඇති බවයි අනාවරණය වී ඇත්තේ.
සුන්දර් නැමති සැකකාර සැමියා මීට ටික කලකට පෙර මීනා සමඟ විවාහ වී ඇති අතර, එතැන් සිට දෑවැද්ද ඉල්ලා ඔහු ඇයට වරින් වර හිරිහැර සිදුකර තිබෙනවා.
මෙම තත්ත්වයත් සමඟ සිය දෙමව්පියන්ගේ නිවසට ගොස් සිට ඇති මීනා, සිය සැමියා එහි පැමිණ ඇයව ඊයේ (15) ඔහුගේ නිවසට කැඳවාගෙන ගොස් ඇති බව සඳහන්.
එහිදී දෙදෙනා අතර යළිත් දෑවැද්ද සම්බන්ධයෙන් ආරවුල හටගෙන ඇති අතර, එම අවස්ථාවේ දී සැමියා ඇයට පහර දී ගෙල මිරිකා ඝාතනය කර පළාගොස් ඇති බවයි වාර්තා වුණේ.
කාන්තාවගේ සිරුර පශ්චාත් මරණ පරීක්ෂණය සඳහා යොමු කර ඇති අතර, සැකකරු සොයා මෙහෙයුම් ක්‍රියාත්මකයි.
