අනුරාධපුර – පාදෙණිය ප්රධාන මාර්ගයේ තලාව ගොවිජන සේවා කේන්ද්රය ඉදිරිපිට දී අද (23) අලුයම සිදු වූ අනතුරකින් තරුණයෙන් දෙදෙනෙකු මියගොස් තවත් දෙදෙනෙක් බරපතළ තුවාල ලැබුවා.
ත්රිරෝද රථයක් සහ බස් රථයක් මුහුණට මුහුණ ගැටීමෙන් මෙම අනතුර සිදුව ඇති බවයි තලාව පොලිසිය සඳහන් කළේ.
අනතුරින් මියගොස් ඇත්තේ ත්රිරෝද රථයේ ගමන් ගත් තරුණයින් දෙදෙනෙක් වන අතර, තුවාල ලබා ඇත්තේ ද ත්රිරෝද රථයේ සිටි තවත් තරුණයින් දෙදෙනෙක් බවයි වාර්තා වුණේ.
බරපතළ තුවාල ලැබූ තරුණයින් දෙදෙනා තලාව ප්රාදේශීය රෝහලට ඇතුළත් කිරීමෙන් අනතුරුව අනුරාධපුර ශික්ෂණ රෝහලට මාරුකර යවා තිබෙනවා.
මියගිය තරුණයින් දෙදෙනා එප්පාවල, මැඩියාව ප්රදේශයේ පදිංචි වයස අවුරුදු 24ක සහ 19 යන වයස්වල පසුවන දෙදෙනෙක්.
මෙම තරුණයින් පිරිස ඊයේ (22) රාත්රියේ අනුරාධපුර පැවැත්වෙන පොසොන් සැණකෙළියට සහභාගී වී යළිත් නිවෙස් වෙත යමින් සිටියදී මෙම අනතුරට මුහුණ පා ඇති බවයි පොලිසිය වැඩිදුරටත් සඳහන් කළේ.
රත්නපුර ප්රදේශයේ සිට යාපනයට විනෝද චාරිකාවක් යමින් සිටි බස් රථයක අනුරාධපුර දෙස සිට තලාව දෙසට ධාවනය වූ ත්රිරෝද රථය මුහුණට මුහුණ ගැටී මෙම අනතුර සිදුව තිබෙනවා.
ත්රිරෝද රථයේ රියදුරුට වේගය පාලනය කරගැනීමට නොහැකිව මාර්ගයේ ප්රතිවිරුද්ධ මංතීරුවේ ධාවනය වී බස් රථයේ ගැටී ඇති බවයි වාර්තා වන්නේ.
මේ වනවිට බස් රථයේ රියදුරු සහ බස් රථය පොලිස් භාරයට ගෙන ඇති අතර, සිද්ධිය පිළිබඳව වැඩිදුර විමර්ශන තලාව පොලිසිය මඟින් සිදුකරනු ලබනවා.
wpDiscuz
