කොදෙව් සුපිරි තරුව ලෝක කුසලාන සංචිතයෙන් හදිසියේම ඉවත්ව යයි

20-20 ලෝක කුසලාන තරගාවලියේ මූලික වටයේ අවසන් තරගය මේ වනවිට ශාන්ත ලුසියා හි ඩැරන් සැමී ජාත්‍යන්තර ක්‍රිකට් ක්‍රීඩාංගණයේ දී පැවැත් වෙනවා.

ඒ, බරහිර ඉන්දීය කොදෙව් කණ්ඩායම සහ ඇෆ්ගනිස්ථානය අතරයි.

මෙම කණ්ඩායම් දෙකම මේ වනවිටත් ලෝක කුසලාන තරගාවලියේ සුපිරි 08 තරග වටයට සුදුසුකම් ලබා තිබෙනවා.

මේ වනවිට පැවැත්වෙන තරගයේ කාසියේ වාසිය දිනූ ඇෆ්ගනිස්ථානය පළමුව පන්දුවට පහරදීමට කොදෙව් කණ්ඩායමට ආරාධනා කළා.

මේ අතර බරහිර ඉන්දීය කොදෙව් ලෝක කුසලාන සංචිතයේ සිටි රොමාරියෝ ෂෙපර්ඩ් හදිසියේම එම සංචිතයෙන් ඉවත්ව ගොස් ඇති බව වාර්තා වනවා.

කොදෙව් ක්‍රිකට් ආයතනය සඳහන් කළේ ඔහුගේ දෙවන දරුවාගේ උපත වෙනුවෙන් රොමාරියෝ සංචිතයෙන් තාවකාලිකව ඉවත්ව ගිය බවයි.

කෙසේ වෙතත් ඔහු නුදුරේදීම කොදෙව් සංචිතය සමඟ යළි එක්වීමට නියමිත අතර, ඒ අනුව සුපිරි 08 තරග වටයේ දී ඔහුගේ සහාය කොදෙව් කණ්ඩායමට හිමිවීමට නියමිතයි.