සිල්වර්වුඩ්ගේ කාලය අවසන් – වනිඳුත් තීරණයකට සැරසෙයි ?

ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ක්‍රිස් සිල්වර්වුඩ් 20-20 ලෝක කුසලානයෙන් පසුව ඔහුගේ භූමිකාවෙන් ඉවත් වීමට නියමිතයි.

ඒ, ඔහුගේ කොන්ත්‍රාත් කාලය අවසන්වීමත් සමඟයි.

මීට අමතරව මෙම තරගාවලියෙන් පසුව නායක වනිඳු හසරංග ද ඉල්ලා අස්වීමට කල්පනා කරමින් සිටින බවයි ziradaily.com වෙබ් අඩවිය වාර්තා කරන්නේ.

වත්මන් ශ්‍රී ලංකා එක්දින කණ්ඩායමේ නායකයා වන කුසල් මෙන්ඩිස්, ජූලි මාසයේදී ඉන්දියාවට එරෙහිව පැවැත්වීමට නියමිත ජාත්‍යන්තර T20 තරඟාවලිය සඳහා හසරංග වෙනුවට ආදේශ කරනු ඇතැයි අපේක්ෂා කෙරෙනවා.

කෙසේ වෙතත් මෙම තරඟාවලිය සඳහා ඉන්දියාව දෙවන පෙළ කණ්ඩායමක් ඉදිරිපත් කිරීමට අපේක්ෂා කරන අතර, රෝහිත් ෂර්මා සහ විරාත් කෝලි වැනි ජ්‍යෙෂ්ඨ ක්‍රීඩකයින් සහභාගී නොවන බවයි වාර්තා වන්නේ.