රුපියල් හත් කෝටි තිස්පන් ලක්ෂයක් වටිනා හෙරොයින් තොගයක් සිය ගමන් මල්ලේ සඟවාගෙන පැමිණි විදේශීය කාන්තාවක් අද (20) උදෑසන කටුනායක ගුවන් තොටුපොළ පැමිණීමේ පර්යන්තයේ දී අත්අඩංගුවට ගෙන තිබෙනවා.
රේගු මත්ද්රව්ය පාලන අංශයේ නිලධාරීන් විසින් මෙලෙස අත්අඩංගුවට ගෙන ඇත්තේ 57 හැවිරිදි පාකිස්තානු ජාතික කාන්තාවක්.
ඇය මෙරට සංචාරයක් සඳහා පැමිණෙන බව අඟවමින් දිවයිනට පැමිණ ඇත්තේ, අබුඩාබි නුවර සිට පැමිණි ඉටිහාඩ් ගුවන් සේවයේ ඊ.වයි. – 392 දරණ ගුවන් යානයෙන්.
ඇය විසින් රැගෙන ආ ගමන් මල්ලේ ව්යාජ පතුලක වෙනම ඇසුරුමක් ලෙස මෙම හෙරොයින් තොගය සකස් කර සඟවාගෙන මෙරටට රැගෙන විත් තිබෙනවා.
රේගු නිලධාරීන් විසින් සොයාගත් මත්ද්රව්ය තොගයේ බර කිලෝග්රෑම් 02යි ග්රෑම් 450ක් බවයි රේගු මත්ද්රව්ය පාලන අංශයේ ප්රකාශකවරයෙකු පැවසුවේ.
අත්අඩංගුවට ගැනුණු පාකිස්ථාන ජාතික කාන්තාව සහ මත්ද්රව්ය ඉදිරි විමර්ශන සඳහා කටුනායක ගුවන් තොටුපොළ පොලිස් මත්ද්රව්ය නාශක අංශයේ නිලධාරීන් වෙත භාරදීමට පියවර ගෙන තිබුණා.
