වයස අවුරුදු 08ක සිය පුත්රයාව ගෙළ සිරකර ඝාතනය කළ කාන්තාවක් පිළිබඳ පුවතක් ඉන්දීය මාධ්ය වාර්තා කරනවා.
28 හැවිරිදි සැකකාර කාන්තාවක් මේ සම්බන්ධයෙන් ඊයේ (14) ගුරුග්රාම් පොලිසිය විසින් අත්අඩංගුවට ගෙන ඇති බවයි වාර්තා වුණේ.
සැකකාර කාන්තාව පිරිමියෙකු සමඟ ඇතිකරගෙන ඇති බව කියන අනියම් සබඳතාවයක් පිළිබඳව තම පුත්රයා දැනගත් නිසා ඔහුව මෙලෙස ඝාතනය කර ඇති බවයි පොලිසිය සැකපළ කරන්නේ.
දරුවාගේ පියාවන අරවින්ද් කුමාර් විසින් පොලිසියට පවසා ඇත්තේ අසල්වැසියෙකු විසින් තම පුතා අසනීප වී ඇති බව සිදුකළ දැනුම්දීමකට අනුව තමන් නිවසට පැමිණි බවයි.
එම අවස්ථාවේ දී තම පුතා නිවසේ සිහිසුන්ව වැටී සිටින අයුරු දුටු බවත්, ඒ අසල තම බිරිඳ සහ තවත් පිරිසක් රැස්ව සිටි බවත් ඔහු පවසා තිබෙනවා.
පසුව එහි සිටි පිරිස සමඟ එක්ව දරුවා රෝහලට රැගෙන ගිය බවත්, එහිදී වෛද්යවරු ඔහු මියගොස් ඇති බව තහවුරු කළ බවත් දරුවාගේ පියා පොලිසිය හමුවේ වැඩිදුරටත් පවසා ඇති බව සඳහන්.
පැමිණිලිකාර පියා කියා සිටියේ තම පුතාගේ ගෙලෙහි තුවාල සලකුණු දුටු බවත්, පුතාව ඝාතනය කළ බවට සැකයක් පවතින බවයි.
ඒ, අනුව සිද්ධිය සම්බන්ධයෙන් සිදුකල විමර්ශනවලින් පසු දරුවාගේ මව සැකපිට ඊයේ (14) අත්අඩංගුවට ගැනීමට කටයුතු කර ඇති අතර, එහිදී තම පුතා ඝාතනය කළ බවට ඇය පාපොච්චාරණය කර තිබෙනවා.
