වත්මන් අර්බුධවලට විසඳුම් ලබාදී රට ගොඩනැගිය හැකි දේශපාලන සන්ධානයක් බිහි කිරීමට මැදිහත් වන බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක පවසනවා.
ඒ සඳහා “දේශය වෙනුවෙන් එක්වන පියවරක්” වැඩපිළිවල පෙබරවාරි මස 14 වනදා ඉදිරිපත් කරනු ලැබුවා.
එයට සමගාමීව නව දේශපාලන සන්ධානයක් සඳහා වූ සාකච්ඡා ආරම්භ වී ඇති අතර එහි අරමුණ මැතිවරණ ජයග්‍රහණය නොවන බවයි පාඨලී චම්පික රණවක අවධාරණය කළේ.
එලෙස නිර්මාණය කෙරෙන සන්ධානය විසින් මැතිවරණය සඳහා ඉදිරිපත් විය යුතු නියෝජිතයන් නම්කළ යුතු බවද මන්ත්‍රීවරයා පෙන්වා දෙනවා.
එහිදී ජනාධිපතිධූර අපේක්ෂකත්වය භාරගන්නා ලෙස ඉල්ලීමක් ඉදිරිපත් වුවහොත්, එම අභියෝගය භාර ගැනීමට සුදානම් බවද හෝමාගම ප්‍රදේශයේ පැවති ජනහමුවකදී ඔහු සදහන් කළේ.
ඔබේ ප්‍රතිචාරය කුමක්ද ?
+1
+1
+1
4
+1
2
+1
+1
+1
