ගෙළෙහි කැපුම් තුවාල සහිතව නිවසක් තුළ සිටි කාන්තාවක් රෝහල් ගතකිරීමෙන් පසු මියගොස් තිබෙනවා.
මෙලෙස මියගොස් ඇත්තේ බිංගිරිය, විලත්තව, ගොඩැල්ලයාය ප්‍රදේශයේ පදිංචිව සිටි ඩර්සි ප්‍රනාන්දු නැමති කාන්තාවක්.
ගෙළෙහි කැපුම් තුවාල සහිතව නිවසක් තුළ කාන්තාවක් සිටින බවට ඊයේ (16) බිංගිරිය පොලීසියට තොරතුරක් ලැබී තිබෙනවා.
මෙම තොරතුර අනුව ක්‍රියාත්මක වූ පොලිසිය තුවාල ලබා සිටි කාන්තාව 1990 ගිලන් රථයකින් ප්‍රතිකාර සදහා හලාවත මහා රෝහලට ඇතුළත් කිරීමටයි කටයුතු කර ඇත්තේ.
එලෙස රෝහල් ගතකළ කාන්තාව එහි ප්‍රතිකාර ලබමින් සිටිය දී ජීවිතක්ෂයට පත්ව ඇති බවයි තොරතුරු වාර්තා වුණේ.
මෙම කාන්තාව කිසියම් මානසික රෝගයකින් පෙළෙන බවට අනාවරණය වී ඇති අතර, මෙය සියදිවි හානිකර ගැනීමක් ද නැතහොත් ඝාතනයක් ද යන්න සම්බන්ධයෙන් පොලිසිය විමර්ශන ආරම්භකර තිබෙනවා.
