විදෙස්ගත අපරාධකරුවෙකුට අවශ්ය මුදල් එක් රැස් කළ වත්තල ප්රදේශයේ ප්රධාන පෙළේ පාසලක ක්රීඩා භාර ගුරුවරයෙකු T56 ගිනි අවියක් සමග අත්අඩංගුවට ගෙන තිබෙනවා.
සැකකාර ගුරුවරයා සංවිධානාත්මක අපරාධකරුවකු වන ගණේමුල්ල සංජීවගේ ගෝලයෙකු වන දැනට විදේශගතව සිටින අපරාධකරුවෙකුගේ මෙහෙයවීම මත මත්ද්රව්ය මුදල් එක්රැස් කරදීම සහ එම මුදල් උණ්ඩියල් ක්රමයට විදේශගත ජාවාරම්කරුවන් වෙත ලබාදීම සිදු කර ඇති බවටයි අනාවරණ වී ඇත්තේ.
සැකකරු සමග T56 ගිනි අවියක්, මැගසින් 04ක්, ජීව උණ්ඩ 125ක්, මිලි මීටර් 9 වර්ගයේ උණ්ඩ 18ක් සහ පොලිස් නිලධාරීන් භාවිතා කරනු ලබන ක්රීඩා ඇදුම් කට්ටලයක් ද අත්අඩංගුවට ගෙන තිබෙනවා.
මෙම සැකකාර ගුරුවරයා ගිනි අවිය සහ උණ්ඩ පාසලේ ක්රීඩා කාමරයේ අල්මාරියක සඟවා තිබීයදී විමර්ශන නිලධාරීන් විසින් සොයා ගෙන ඇතැයි සඳහන්.
සැකකරු සම්බන්ධයෙන් රැඳවුම් නියෝග මත වැඩිදුර විමර්ශන ක්රියාත්මකයි.
