ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට පනවා තිබූ තහනම ඉවත් කිරීමට ක්‍රිකට් කමිටුව සහ සිංහල ක්‍රීඩා සමාජයේ (SSC) විධායක කමිටුව තීරණය කර තිබෙනවා.
ඒ අනුව වහාම ක්‍රියාත්මක වන පරිදි එම තහනම ඉවත් කර ඇති බවයි SSC ක්‍රීඩා සමාජය සඳහන් කළේ.
ඒ අනුව ධනුෂ්ක ගුණතිලක ශ්‍රී ලංකා ක්‍රිකට් ආයතනය විසින් සංවිධානය කරනු ලබන මේජර් ක්ලබ් සීමිත ඕවර තරගාවලියට ක්‍රීඩා කරනු ඇති බවයි SSC වැඩිදුරටත් සඳහන් කළේ.
ධනුෂ්ක ගුණතිලක සිඩ්නි හි ඩව්නිං සෙන්ටර් දිස්ත්‍රික් උසාවියේ නඩු විභාගයකට මුහුණ දුන්නේ අනුමැතියකින් තොරව ලිංගික අතවර කිරීමේ චෝදනාවකට නිවැරැදිකරු බව ප්‍රකාශ කිරීමෙන් පසුවයි.
විස්සයි20 ලෝක කුසලානය සඳහා ශ්‍රී ලංකා ක්‍රිකට් කණ්ඩායම නවාතැන් ගෙන සිටි හයට් රීජන්සියේදී නොවැම්බර් 6 වැනිදා අලුයම ඔහු අත්අඩංගුවට ගනු ලැබුවා.
පසුව ඔහුව ඩේ ස්ට්‍රීට් පොලිස් ස්ථානයට ගෙන යන ලද අතර එහිදී ඔහු පැය දෙකකට වැඩි කාලයක් ප්‍රශ්නවලට පිළිතුරු දුන් අතර පසුව නඩු විභාගයේ කාලසීමාව සඳහා ඕස්ට්‍රේලියාවේ රඳවා තබා ගත්තා.
මුලින් ඔහුට එරෙහිව ස්ත්‍රී දූෂණ ඇතුළු චෝදනා කිහිපයක් ගොනු කර තිබුණද, පසුව එම චෝදනා ඉවත් කර ගෙන තිබුණා.
ශ්‍රී ලංකා ක්‍රිකට් ක්‍රීඩකයාට එරෙහි චෝදනාව සම්බන්ධයෙන් තීන්දුව ප්‍රකාශයට පත් කරමින් විනිසුරු සාරා හගෙට් කියා සිටියේ ක්‍රිකට් ක්‍රීඩකයා ලිංගික අතවර සම්බන්ධයෙන් නිවැරැදිකරු බව ඔප්පු වී ඔහු නඩුවෙන් නිදහස් කළ බවයි.
