ජනශක්ති රක්ෂණ සමූහ ව්‍යාපාරයේ හිටපු අධ්‍යක්ෂ දිනේෂ් ෂාෆ්ටර් මහතාගෙන් ලබාගත් රුපියල් කෝටි 143කට අධික මුදලක් වංචා කිරීම සම්බන්ධයෙන් ප්‍රවීණ ක්‍රිකට් විස්තර විචාරකයකුට එරෙහිව රහස් පොලිසිය පවරා ඇති නඩු විභාග කිරීමට කොළඹ ප්‍රධාන මහෙස්ත්‍රාත් ප්‍රසන්න මහේස්ත්‍රාත් ප්‍රසන්න අල්විස් මහතා හමුවේ තීරණය කර තිබෙනවා.
තමන්ට එරෙහිව ඇති නඩු හතට අදාළ සියලු චෝදනාවන්ට තමන් නිවැරදිකරු බව ප්‍රවීණ ක්‍රිකට් විස්තර විචාරකයකු වන බ්‍රයන් තෝමස් මහතා අධිකරණය හමුවේ පැවසීමෙන් අනතුරුවයි අදාළ නඩු විභාග කිරීමට මහේස්ත්‍රාත්වරයා තීරණය කර ඇත්තේ.
අධිකරණය විසින් මීට පෙර අවස්ථාවක නිකුත් කර තිබූ සිතාසිවලට අනුව මෙම නඩු 7 කැඳවනු ලැබූ අවස්ථාවේදී බ්‍රයන් තෝමස් මහතා විවෘත අධිකරණයේ පෙනී සිට තිබෙනවා.
2017 වසරේ සිට අවස්ථා 20කදී දිනේෂ් ෂාෆ්ටර් යන අයගෙන් චෙක්පත් 20කින් රුපියල් කෝටි 143 කට අධික මුදලක් ලබාගෙන එම මුදල් ආපසු නොදී නොදී වංචා කළ බවට විත්තිකරුට එරෙහිව රහස් පොලිසිය මෙලෙස චෝදනා ගොනු කර ඇතැයි සඳහන්.
පැමිණිල්ල වෙනුවෙන් පෙනී සිටි අපරාධ පරීක්ෂණ දෙපාර්තමේන්තුවේ මුල්‍ය අපරාධ විමර්ශන කොට්ඨාසයේ නිලධාරීන් කරුණු ඉදිරිපත් කරමින් අධිකරණයට දැනුම් දුන්නේ නීතිපතිවරයාගෙන් ලැබුණු උපදෙස් මත විත්තිකරුට එරෙහිව චෝදනා ගොනු කළ බවයි.
මෙම සියලු චෝදනාවන්ට තමන් නිවැරදිකරු බව විත්තිකාර බ්‍රයන් තෝමස් මහතා අධිකරණයට දැනුම් දී තිබෙනවා.
ඒ අනුව විත්තිකරුට එරෙහි නඩු විභාග කිරීමට විනිසුරුවරයා තීරණය කර ඇත්තේ.
wpDiscuz
