යුද්ධයේදී මියගිය හා ආබාධිත රණවිරුවන්ගේ යැපෙන්නන් හට වැටුප් හා දීමනා ලබාදීම සම්බන්ධයෙන් ආරක්ෂක අමාත්යංශය නිවේදනයක් නිකුත් කර තිබෙනවා.
එහි දැක්වෙන්නේ පසුගිය යුධ සමයේ පැවති ත්රස්තවාදී ක්රියා හේතුවෙන් ආබාධිත තත්වයට පත්ව වෛද්ය හේතුන් මත, ත්රිවිධ හමුදා සේවයෙන් ඉවත් වන හමුදා සාමාජිකයින් වෙත වයස 55 දක්වා සහ ඔහුට සහ ඔහුගේ වැන්දඹු බිරිදට ජීවිතාන්තය දක්වා එම දීමනා එලෙසම ලබාදීම සඳහා දැනටමත් අවශ්ය විධිවිධාන සලසා ඇති බවයි.
දැනට පවතින විධිවිධාන අනුව ආබාධිත හමුදා සාමාජිකයා වයස අවුරුදු 55 එළඹීමට පෙර මියගියහොත් එම වැන්දඹුව වෙත වැටුප් හා දීමනා හිමි වීම සඳහා වෛද්ය මණ්ඩලයක් විසින් එම මිය යෑම ආබාධිත තත්වයේ සෘජු ප්රථිපලයක් නිසාවෙන් සිදුවී ඇති බව තහවුරු කල යුතු වනවා.
වෛද්ය මණ්ඩලය විසින් එම මියයෑම යුද්ධයේදී ආබාධිත වීම නිසා ඇතිවූ සෘජු ප්රථිපලයක් බව තහවුරු කළ නොහැකි හේතුවක් මත මියගියහොත්, වැන්දඹුව වෙත ලබාදිය හැක්කේ වැන්දඹු හා අනත්දරු විශ්රාම වැටුප පමණක් බවයි අමාත්යංශය පෙන්වා දෙන්නේ.
මෙම තත්ත්වය හේතුවෙන් දුෂ්කරතාවයට පත්ව සිටින වැන්දඹුවන් වෙතින් ඔවුන් වෙත ද වැටුප් හා දීමනා ලබාදෙන ලෙස අමාත්යාංශය වෙත පසුගිය කාලසීමාව තුළදී සැලකිය යුතු ඉල්ලීම් ප්රමාණයක් ඉදිරිපත් වී තිබෙනවා.
එම ඉල්ලීම් සැලකිල්ලට ගෙන ඔවුන් වෙත ද සහන සැලසීම සඳහා අමාත්ය මණ්ඩලයේ අනුමැතිය ලබාගැනීමට අවශ්ය කටයුතු දැනටමත් ආරම්භ කර ඇති බවයි ආරක්ෂක අමාත්යංශය සඳහන් කළේ.
මේ සම්බන්ධයෙන් විශ්රාමලත් ආබාධිත හමුදා සාමාජිකයන් සහ ඔවුන්ගේ පවුල්වල සාමාජිකයන් අනියත බියක් ඇතිකර නොගත යුතු අතර, ඇතැම් පාර්ශවයන් විසින් මේ සම්බන්ධව ආබාධිත හමුදා සාමාජිකයින් සහ ඔවුන්ගේ පවුල්වල සාමාජිකයින් තුල ව්යාකුල තත්වයන් ඇති කිරීමට උත්සහ කරන අවස්ථා නිරීක්ෂණය වී ඇති බව එම අමාත්යංශය ප්රකාශ කළා.
ආරක්ෂක අමාත්යාංශය වශයෙන් ඉදිරියේදී ද විශ්රාමලත් හමුදා සාමාජිකයන්ගේ සහ ඔවුන්ගේ පවුල්වල සාමාජිකයන්ගේ සුභසාධනය වෙනුවෙන් උපරිම වශයෙන් ක්රියාකරන බවද වැඩිදුරටත් අවධාරණය කර තිබෙනවා.
wpDiscuz
