ශ්රී ලංකාවේ ඉන්ධන බෙදාහැරීම් ආරම්භ කළ සිනොපෙක් සමාගම තම ඉන්ධන මිල ගණන් ප්රකාශයට පත්කර තිබෙනවා.
ඊයේ මධ්යම රාත්රියේ සිට ලංකා ඛනිජ තෙල් නීතිගත සංස්ථාව සහ ලංකා ඉන්දියන් ඔයිල් සමාගම ඉන්ධන මිල ගණන් ඉහළ දැමීමටයි පියවර ගනු ලැබුවේ.
සිනොපෙක් සමාගම තම ඉන්ධන අලෙවි කරනු ලබන්නේ අදාළ සමාගම් දෙකෙහි මිලට වඩා රුපියල් 3ක් අඩුවෙනුයි.
ඉන්ධන මිල සංශෝධනයෙන් පසුව සිනොපෙක් සිය ඉන්ධන මිල ප්රකාශයට පත් කර තිබෙනවා.
ඒ අනුව ඔක්ටේන් 92 වර්ගයේ පෙට්රල් ලීටරයක් සිනොපෙක් සමාගම විසින් අලෙවි කරනු ලබන්නේ රුපියල් 358ක මුදලකට යි.
ඔක්ටේන් 95 පෙට්රල් ලීටරයක මිල රුපියල් 414ක්.
ඔටෝ ඩීසල් මිල රුපියල් 338ක් වන අතර සුපර් ඩීසල් මිල රුපියල් 356ක් වනවා.
සිනොපෙක් සමාගමේ භූමිතෙල් මිල රුපියල් 231ක්.
සිනොපෙක් ලංකා සමාගම සිය ව්යාපාරික කටයුතු නිල වශයෙන් පෙරේදා ආරම්භ කළ අතර ඊයේ මත්තේගොඩ පිහිටි සිය පළමු බලයලත් පිරවුම්හලේදී ඉන්ධන සැපයීම ආරම්භ කළා.
රටේ නායකයෝ කියන උන් එකතු වෙලා පිට රට කම්පැණි වලට අදිලාබ අරන් දෙනවා.