සැප්තැම්බර් මාසය වන විට රට බංකොලොත්භාවයෙන් මුදාගැනීමට අවශ්යය ණය ප්රතිව්යූහගතකරණයේ වැඩසටහන අවසන් කරන බව මුදල් රාජ්ය අමාත්ය ශෙහාන් සේමසිංහ පවසනවා.
රාජ්ය අමාත්යවරයා මේ බව සඳහන් කළේ සංවර්ධනය කරන ලද තලාව-කැකිරාව ප්රධාන මාර්ගය ජනතා අයිතියට පත් කිරීමේ අවස්ථාවට අද එක්වෙමින්.
එහිදී අදහස් දක්වමින් මුදල් රාජ්ය අමාත්ය ශෙහාන් සේමසිංහ සඳහන් කළේ සැප්තැම්බර් මාසය වන විට නැවත ආසියානු සංවර්ධන බැංකුව, ලෝක බැංකුව හෝ ජාත්යන්තර මුල්ය අරමුද මෙන්ම විවිධ සංවර්ධන කටයුතු සඳහා සහයෝගය දක්වන ආයතන වෙත ගොස් මූල්ය පහසුකම් ලබාගැනීමේ හැකියාවක් පවතින බවයි.
එමෙන්ම සැප්තැම්බර් මාසයේ මෙරට සමාලෝචනය අවසන් වූ පසු ඔක්තොම්බර් මාසය වන විට ජාත්යන්තර මූල්ය අරමුදල ඔවුන්ගේ දෙවැනි වාරිකය ලබාදෙනු ඇති බවට බලාපොරොත්තු විය හැකි බවයි ඔහු වැඩිදුරටත් පැවසුවේ.
මේ අතර රාජ්ය අමාත්යවරයා පසුවේ සැප්තැම්බර් මාසයේ ණය ප්රථිව්යූහගතකරණ එකඟතාවයට පැමිණි පසු ප්රධාන වශයෙන් ව්යාපෘති 400 කට ආසන්න ප්රමාණයක් ආරම්භ කිරීමට ද බලාපොරොත්තු වන බවයි.
