කෘෂිකර්ම දෙපාර්තමේන්තුව නව එළවළු ප්රභේද දෙකක්, බිම්මල් නව ප්රභේදයක් සහ සෝයාවලින් නිෂ්පාදිත සෝයා යෝගට් විශේෂයක් හදුන්වා දී තිබෙනවා.
එම දෙපාර්තමේන්තුව විසින් තක්කාලි හා බෝංචි එළවළු සඳහා වැඩි අස්වැන්නක් ලබාගත හැකි, එමෙන්ම ජාත්යන්තර වෙළෙදපොලට පවා උචිත නව ප්රභේද දෙකක් සහ නව බිම්මල් ප්රභේදයක් ද හදුන්වා දී ඇති බවයි වාර්තා වුණේ.
මීට අමතරව ඌණ පෝෂණයෙන් පෙළෙන දරුවන්ගේ පෝෂණ තත්ත්වයන් නංවාලිය හැකි ප්රෝටීන් බහුල සෝයාවලින් නිෂ්පාදිත යෝගට් විශේෂයක් ද එම දෙපාර්තමේන්තුවේ පර්යේෂණ කණ්ඩායම් විසින් නිපදවා තිබෙනවා.
මෙම නව හදුන්වාදීම ජනගත කිරීම පසුගියදා ගන්නොරුව පැළෑටි හා ජාන සම්පත් මධ්යස්ථානයේ දී කෘෂිකර්ම අමාත්ය මහින්ද අමරවීරගේ සහභාගිත්වයෙන් සිදු කෙරුණා.
මෙලෙස හඳුන්වා දුන් Hordi Bean 03 නමින් හැදින්වෙන බෝංචි විශේෂය වැඩි අස්වැන්නක් ලබා දෙන දිවයිනේ සෑම ප්රදේශයකම වගා කළ හැකි බෝංචි විශේෂයක්.
මෙම නව බෝංචි ප්රභේදය මඟින්හෙ ක්ටයාර් එකකට මෙට්රික් ටොන් 27ක අස්වැන්නක් ලබා ගත හැකි බවයි කෘෂි නිලධාරීන් සඳහන් කළේ.
එමෙන්ම හඳුන්වා දුන් Hordi පොකුරු තක්කාලි ප්රභේදය ඝණ ඵලාවරණයක් පැවතීම හේතුවෙන් අනෙකුත් තක්කාලිවලට වඩා ආරක්ෂිතව තබා ගැනීමේ කාලය වැඩි වනවා.
මීට අමතරව සෝස් හා ජෑම් නිෂ්පාදන සදහා ඉතාමත් උචිත වන අතර ආහාර පාරිභෝජන ආකර්ශණය සඳහා ඉතාමත් උචිත තද රතු පැහැයකින් යුක්ත බව මෙය හඳුන්වා දුන් පර්යේෂණ නිලධාරීන් පැවසුවා.
ඇමරිකන් ඔයිස්ටර් හා ඇබලෝනි බිම්මල් ප්රභේද දෙක මිශ්ර කිරීමෙන් Hordi Musgroom Curly නැමති නව බිමිමල් ප්රභේදයක් ද නිපිදවා ඇති ඇති අතර ඒවායේ ප්රෝටින් බහුල බව සඳහන්.
පළමුවරට සෝයා ආශ්රිතව නිපදවන ලද සෝයා යෝගට් ද කෘෂිකර්ම දෙපාර්තමේන්තුව විසින් මෙහිදී හදුන්වා දී තිබෙනවා.
ඌණ පෝෂණයෙන් පෙළෙන දරුවන්ට අවශ්ය ප්රෝටීන් ලබාදීම සඳහා ඉහළ ප්රෝටීන් ප්රමාණයක් සහිත මෙම සෝයා යෝගට් රුපියල් 20ක් වැනි මුදලකට අලෙවි කළ හැකි බවයි කෘෂිකර්ම දෙපාර්තමේන්තුව පවසන්නේ.
