තලේබාන් සංවිධානයේ නියෝග මත ඉදිරි සති කිහිපය තුළ ඇෆ්ගනිස්ථානය පුරා පිහිටි කාන්තා රූපලාවන්යාගාර වසා දැමීමට නියමිත බව වාර්තා වනවා.
මෙම දරදඬු පාලනයේ තීරණයත් සමඟ රැකියා 60,000ක් පමණ අහිමිවීමේ අවදානමක් මතුව ඇති බවටයි ඇස්තමේන්තුගත කර ඇත්තේ.
මේ හේතුවෙන් කුටුම්භ රැසකට තිබූ එකම අදායම් මාර්ගය ද වැසී යන බවයි ඔවුන් මැසිවිලි නඟන්නේ.
වසර දෙකකට පෙර තලේබාන් සංවිධානය යළි ඇෆ්ගනිස්ථානයේ බලය තහවුරුකර ගත් දා සිට රූපලාවන්යාගාරවලට දිගටම ක්රියාත්මක වීමට අවසර දී තිබූ නමත් එම තීරණය වෙනස් කිරීමට පසුගිය මාසයේදී කටයුතු කළා.
මොවුන්ගේ මෙම පාලනයෙන් මේ වනවිටත් පාසල් පන්ති කාමර, කායවර්ධන මධ්යස්ථාන සහ උද්යාන තහනම් කරමින් ඇෆ්ගන් කාන්තාවන්ට විවෘත අවකාශයන් සීමා කර තිබෙනවා.
මෙලෙස රූපලාවණ්යාගාර වසා දැමීමේ තලෙයිබාන් නියෝගයට එරෙහිව ඇෆ්ගන් කාන්තාවන් විරෝධය පළ කරමින් කාබුල්හි දී පසුගිය සතියේ උද්ඝෝෂණයන් ද පවත්වනු ලැබුවා.
කෙසේ වෙතත් අහසට වෙඩි තබමින් මෙම විරෝධතා විසුරුවා හැරීමටයි තලෙයිබාන් ආරක්ෂක භටයින් පියවර ගත්තේ.
