වවුනියාව, ඉරට්ටපෙරියකුලම ප්රදේශයේ පවත්වාගෙන ගිය පොල් කොහු ගබඩාවක ඊයේ (21) සවස ඇති වූ ගින්නකින් එම ගබඩාව සම්පූර්ණයෙන් විනාශ වී තිබෙනවා.
ගින්නෙන් එම ගබඩාවේ තිබූ යන්ත්ර සූත්ර සියල්ල ද සම්පූර්ණයෙන්ම විනාශ වී ඇති අතර, ගින්න පාලනය කිරීම සඳහා වවුනියාව නගර සභා ගිනි නිවීමේ ඒකකය, ඉරට්ටපෙරියකුලම යුද හමුදා නිළධාරීන් සහ පොලිස් නිළධාරීන් එක්ව කටයුතු කළ බවයි අප වාර්තාකරු සඳහන් කළේ.
ගින්න කර්මාන්ත ශාලාව අසළ ඉඩම්වලටද පැතිර ගොස් තිබූ අතර එය මැඩ පැවැත්වීමට මහත් පරිශ්රමයක් දැරීමට සිදුව තිබෙනවා.
ගින්නට හේතුව මෙතෙක් අනාවරණය වි නොමැති අතර, සිද්ධිය සම්බන්ධයෙන් ඉරට්ටපෙරියකුලම පොලිසිය වැඩිදුර පරීක්ෂණ පවත්වනු ලබනවා.
