කෑගල්ල දිස්ත්රික්කයේ ප්රදේශ රැසකට අද (15) දිනයේ ඇඳ හැලුණු ධාරාණිපාත වර්ෂාවත් සමඟ අකුණු සැර වැදීමෙන් පාසල් දරුවෙක් අවාසනාවන්ත ලෙස ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ රුවන්වැල්ල, ගෝනගල, මාපිටිගම ප්රදේශයේ පදිංචිව සිටි දනුජ බිම්සර නැමැති 12 හැවිරිදි දරුවෙක්.
මෙම දරුවා දිය නෑමට ගොස් නැවත නිවසට පැමිණෙමින් සිටිය දී ඔහු මෙම අනතුරට භාජනය වී ඇති බවයි අප වාර්තාකරු සඳහන් කළේ.
දරුවන් තිදෙනෙකුගෙන් යුත් පවුලක බාලම දරුවා වූ දනුජ එම පවුලේ එකම පිරිමි දරුවායි.
අකුණු සැර වැදීමෙන් පසු අද (15) පස්වරුවේ ඔහු අවිස්සාවේල්ල දිස්ත්රික් මහ රෝහලට ඇතුළත් කරන විටත් මිය ගොස් සිට ඇති බවයි තොරතුරු වාර්තා වුණේ.
