සොරකම් කරන ලද ත්‍රිරෝද රථවල වර්ණය,චැසි හා එන්ජින් අංක වෙනස් කර විකිණීමේ ජාවාරමක් පවත්වාගෙන ගිය කල්ලියක තිදෙනෙක් කැස්බෑව පොලිසිය විසින් අත්අඩංගුවට ගෙන තිබෙනවා.
සැකකරුවන් සමග සොරකම් කරන ලද රුපියල් ලක්ෂ 80 පමණ වටිනා තීරෝද රථ 8 ක් ද පොලිස් බාරයට ගැනුණා.
සැකකරුවන් අතර ගරාජ් හිමියෙක්වා හා වාහන අලෙවිකරුවෙකු ද සිටින බව පොලිසිය පැවසුවා.
කැස්බෑව පොලිස් බල ප්‍රදේශයේ නැති වූ ත්‍රිරෝද රථයක් සම්බන්ධයෙන් සිදුකළ විමර්ශනයේදී මේ ජාවාරම අනාවරණය කර ගත්තේ පොලිස් සැරයන් 75769 ජයතුංග මහතායි.
අත්අඩංගුවට ගත් සැකකරුවන් ලිසිං ගෙවීමට අපහසු පුද්ගලයන් මුහුණු පොතෙන් හඳුනාගෙන ඔවුන් සතු ත්‍රිරෝද රථ ද කොටස් වශයෙන් මිලට ගෙන අලෙවි කර ඇති බව අනාවරණය වුණා.
පොලිස් භාරයට ගත් තීරෝද රථ රජයේ රස පරීක්ෂක වෙත සහ මෝටර් රථ ප්‍රවාහන දෙපාර්තමේන්තුවේ පරීක්ෂක වෙත යොමුකර ඇති අතර සැකකරුවන් අද කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
