බදුල්ල ප්‍රදේශයේ ප්‍රධාන පාසලක රථ පෙළපාලියක් අතරතුර කැබ් රථයක් පෙරළී යාමෙන් සිදු වූ අනතුර සම්බන්ධයෙන් විමර්ශනයට කමිටුවක් පත්කර තිබෙනවා.
පළාත් අධ්‍යාපන ලේකම්වරයාගේ උපදෙස් මත ත්‍රිපුද්ගල කමිටුවක් මේ සඳහා පත්කර ඇති බවයි වාර්තා වුණේ.
පළාත් අධ්‍යාපන කාර්යාලයේ නිලධාරියෙක් සහ පළාත් අධ්‍යාපන අධ්‍යක්ෂ කාර්යාල නිලධාරීන් දෙදෙනෙක් මෙම කමිටුවට ඇතුළත්.
මේ අතර අනතුර සිදු වූ බදුල්ල නව ක්‍රීඩාංගණයේ ස්ථානීය පරීක්ෂණය බදුල්ල මහේස්ත්‍රාත්වරයා විසින් සිදුකර තිබෙනවා.
බදුල්ල ධර්මදූත විදුහල සහ ඌව විදුහල අතර වාර්ෂික ක්‍රිකට් තරගයට සමගාමීව සංවිධානය කළ රථ පෙළපාලියක් අතරතුර ඊයේ (01) දහවල් කැබ් රථයක් පෙරළීයාමෙන් බදුල්ල ධර්මදූත විද්‍යාලයේ සිසුන් දෙදෙනෙකු මිය ගොස් තවත් සිසුන් 06 දෙනෙකු තුවාල ලැබුවා.
අනතුරෙන් මිය ගියේ බදුල්ල ධර්මදූත විද්‍යාලයේ 13 වන ශ්‍රේණියේ ඉගෙනුම ලැබූ ආර්.එම්. රවිදු සහ හරේන්ද්‍ර රුක්මාල් යන සිසුන් දෙදෙනායි.
