රන් සොරකමකට ස්ථානාධිපතිවරයෙක් සහ කොස්තාපල්වරයෙක් අත්අඩංගුවට

පානදුර මූලස්ථාන පොලීසියේ අපරාධ අංශ ස්ථානාධිපතිවරයා සහ කොස්තාපල්වරයෙක් අත්අඩංගුවට ගෙන ඇති බව පොලිසිය සඳහන් කරනවා.

රන් භාණ්ඩ සොරකමක් සම්බන්ධයෙන් මෙම පොලිස් නිලධාරීන් දෙදෙනා මෙලෙස අත්අඩංගුවට ගෙන ඇති බවයි වාර්තා වන්නේ.

රන් භාණ්ඩ සොරකමක් සම්බන්ධයෙන් අත්අඩංගුවට ගත් පුද්ගලයෙක් සතුව තිබූ රන් භාණ්ඩ අතරින් රන් පවුම් 07ක් අධිකරණයට ඉදිරිපත් නොකර සන්තකයේ තබා ගැනීමේ සිද්ධියක් සම්බන්ධයෙන් මෙම පොලිස් නිලධාරීන් දෙදෙනාට එරෙහිව චෝදනා එල්ල වී තිබෙනවා.

මහනුවර කොට්ඨාස අපරාධ අංශය විසින් සැකකාර පොලිස් නිලධාරීන් දෙදෙනා අත්අඩංගුවට ගෙන ඇති බවයි වාර්තා වන්නේ.