අන්තර් විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමනට දෙවන වරටත් ජල හා කදුළු ගෑස් ප්‍රහාර එල්ලකර තිබෙනවා.
කොළඹ 07 නෙළුම් පොකුණ ආසන්නයේ දී ආරක්ෂක අංශ විසින් මෙලෙස ජල හා කදුළු ගෑස් ප්‍රහාර එල්ලකර ඇති බවයි වාර්තා වුණේ.
Update – Monday, January 16, 2023, 5.07 PM
අදත් අන්තරේට කඳුළු ගෑස්
මේ වනවිට සිර ගතකර සිටින අන්තර් විශ්ව විද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ නිදහස් කරන ලෙස සහ තවත් ඉල්ලීම් කිහිපයක් මුල්කරගෙන අන්තර් විශ්ව විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමනට පොලිසිය ජල හා කඳුළු ගෑස් ප්‍රහාර එල්ලකර තිබෙනවා.
මෙම විරෝධතා පා ගමනට කොල්ලුපිටිය ප්‍රදේශයේ දී මෙලෙස ජල හා කඳුළු ගෑස් ප්‍රහාර එල්ල කර ඇති බවයි වාර්තා වන්නේ.
අන්තර් විශ්වවිද්‍යාල ශිෂ්‍ය බල මණ්ඩල සාමාජිකයින් විසින් අද (16) දහවල් තුම්මුල්ලේ පිහිටි එක්සත් ජාතීන්ගේ මෙරට කාර්යාලය ඉදිරිපිට සිට මෙම විරෝධතා පාගමනක් ආරම්භ කළා.
මෙම විරෝධතාකරුවන්ගේ පා ගමන හේතුවෙන් කොළඹ මාර්ග කිහිපයක රථවාහන ධාවනයට බාධා එල්ල වූ අතර, බෞද්ධාලෝක මාවත තුන්මුල්ල හංදියෙන් වසා දැමීමට ද පොලිසිය කටයුතු කරනු ලැබුවා.
මේ අතර විරෝධතාකරුවන්ට ලිප්ටන් වටරවුමේ සිට යුනියන් පෙදෙස හරහා ගාලුමුවදොර දෙසට ඇතුළුවීම වළක්වාලමිනි කොටුව මහෙස්ත්‍රාත් අධිකරණය විසින් අද (16) නියෝගයක් ද නිකුත් කළා.
