අදට යෙදී ඇති උඳුවප් පුර පසළොස්වක පොහෝ දිනයෙන් 2022 – 2023 ශ්රී පාද වන්දනා සමය ආරම්භ වනවා.
පුරා මාස 06ක කාලයක් පැවැත්වෙන ශ්රී පාද වන්දනා වාරය, නිමාවට පත්වන්නේ ලබන වසරේ (2023) වෙසක් පුර පසළොස්වක පොහොය දිනයෙන්.
ශ්රි පාද වන්දනා වාරය ආරම්භ කිරීම වෙනුවෙන් මාර්ග හතරක් ඔස්සේ පැල්මඩුල්ල – ගල්පොත්තාවෙල රජමහා විහාරස්ථානයේ සිට සදාතුක කරඩුව, සමන් දේව ප්රතිමාව සහ දේවාභරණ රැගත් රිය පෙරහැර ඊයේ (06) දිනයේ ගමන් ආරම්භ කළා.
එලෙස වැඩම වූ සදාතුක කරඩුව, සමන් දේව ප්රතිමාව සහ දේවාභරණ සිරිපා මළුවේ තැන්පත් කිරීම සිදුකරනු ලැබුවේ අද (07) අලුයමයි.
මේ අතර, 2022-2023 ශ්රි පාද වන්දනා වාරයේ දී ශ්රි පාද වන්දනාවේ පැමිණෙන වන්දනාකරුවන් ශ්රි පාදස්ථානය පූජනිය ස්ථානයක් ලෙස සලකා පරිසරය රැක ගනිමින් ශ්රි පාදස්ථානය කරුණා කරන ලෙසයි ශ්රි පාද ස්ථානාධිපති පුජ්ය බෙන්ගමුවේ ධම්මදින්න හිමියන් වන්දනාකරුවන්ගෙන් ඉල්ලා සිටිනවා.
එමෙන්ම අදින් ආරම්භ වන සිරිපා වන්දනා සමය වෙනුවෙන් පැමිණෙන ජනතාවගේ ආරක්ෂාව සඳහා අවශ්ය සියලු කටයුතු මේ වනවිට සූදානම් කර ඇති පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නිහාල් තල්දූව සඳහන් කළා.
