Rajapura Handi Oil
Rajapura Diabetic Powder

ඇල්ල – වැල්ලවාය ප්‍රධාන මාර්ගයේ ගමනා ගමන කටයුතු යළි යථා තත්ත්වයට

ගල් සහ ගස් කඩා වැටීම හේතුවෙන් බාධා එල්ල වී තිබු ඇල්ල – වැල්ලවාය ප්‍රධාන මාර්ගයේ ගමනා ගමන කටයුතු යළි යථා තත්ත්වයට පත්කර තිබෙනවා.

ඇල්ල පොලිසියෙන් අප අද (14) උදෑසන කළ විමසීමක දී සඳහන් කර සිටියේ ඊයේ (13) රාත්‍රියේම මාර්ගයේ ගමනා ගමනයට තිබූ බාධාවන් ඉවත් කිරීමට හැකි වූ බවයි.

පොලිසිය සහ මාර්ග සංවර්ධන අධිකාරිය එක්ව මාර්ගය යථා තත්ත්වයට පත් කිරීමට කටයුතු කළ බවයි වාර්තා වුණේ.

පැවති අයහපත් කාලගුණ තත්ත්වයත් සමඟ එම මාර්ගයට ගල් සහ ගස් කඩා වැටීම හේතුවෙන් එහි වාහන ගමනා ගමනයට බාධා එල්ල වී ඇති බව පොලිසිය ඊයේ (13) රාත්‍රියේ නිවේදනයක් නිකුත් කරමින් සඳහන් කළා.