කොස්ලන්ද, ගලහිටිය ප්රදේශයේ පතලක් තුළ සේවය කරමින් සිටි පුද්ගලයෙකුගේ සිරුර මතට පස් බැම්මක් කඩා වැටීමෙන් සිදුවූ අනතුරකින් ඔහු ජීවිතක්ෂයට පත්ව තිබෙනවා.
ඊයේ (20) දහවල් සිදු වූ මෙම අනතුරින් ජීවිතක්ෂයට පත්ව ඇත්තේ අයිස්පීල්ල, ඌව මාවෙලගම ප්රදේශයේ පදිංචි 48 හැවිරිදි පුද්ගලයෙක් බවයි පොලිසිය පැවසුවේ.
පස් බැම්ම සිරුර මතට කඩා වැටීමෙන් බරපතළ තත්ත්වයේ පසු වූ මෙම පුද්ගලයා කොස්ලන්ද රෝහලට ඇතුළත් කිරීමේ දී ජීවිතක්ෂයට පත්ව ඇති බව සඳහන්.
සිද්ධිය සම්බන්ධයෙන් කොස්ලන්ද පොලිසිය වැඩිදුර විමර්ශන සිදුකරනු ලබනවා.
