ගෝඨාභයගේ මව්පියන්ට කෘතගුණ දක්වන්න විශ්‍රාමික හමුදා සෙබළා හැදූ බුදු මැදුර (ඡායාරූප)

ඇලහැර – මිණිපුරගම ගම්මානයේ පදිංචි පුද්ගලයෙකු හිටපු ජනාධිපති ගෝඨාභය රාජපක්ෂගේ මව්පියන්ට සහ පවුලේ ඥාතීන්ට කෘතගුණ දැක්වීමක් ලෙස රුපියල් ලක්ෂ දහයක වියදමක් දරමින් බුදු මැදුරක් ඉදිකළ පුවතක් වාර්තා වනවා.

හමුදා සෙබළෙකු ලෙස සේවය කළ ඩබ්ලිව්.ජී.චන්ද්‍රසේන බණ්ඩා නමැති මෙම පුද්ගලයා ඇලහැර – මිණිපුරගම ගම්මානයේ පෙර පාසලක් අසල මෙම බුදු මැදුර ඉදිකර එහි දරුවන්ට එය තිළිණකර ඇති බව සඳහන්.

කුලීවැඩ කර උපයාගත් මුදල් වලින් ඔහු මෙම බුදු මැදුර ඉදිකර තිබීම විශේෂත්වයක්.

මීට අමතරව අග්‍රාමාත්‍ය දිනේෂ් ගුණවර්ධනගේ පියා වන පිලිප් ගුණවර්ධන වෙනුවෙන් විශාල වියදමක් දරමින් ධර්මාසනයක් සහ මේසයක් ද මෙම පුද්ගලයා විසින් නිමවා විහාරස්ථානයකට පරිත්‍යාග කර ඇති බව ද වාර්තා වනවා.