තම දියණිය සමඟ යතුරුපැදියකින් ගමන් කරමින් සිටි පුද්ගලයකුට මාතර – බ්රවුන්හීල් ප්රදේශයේ දී තියුණු ආයුධවලින් පහර දී බරපතළ තුවාල සිදුකර තිබෙනවා.
ඊයේ (09) පස්වරුවේ මෙම පහරදීම සිදුකර ඇති අතර, එම පුද්ගලයාගේ දකුණු අත ශරීරයෙන් වෙන් වී යන සේ කපාදමා ඇති බවයි වාර්තා වන්නේ.
මෙලෙස පහරකෑමට ලක්වූ පුද්ගලයා අමිල සුදීර නොහොත් ‘බොබි’ යන අන්වර්ථ නාමයෙන් හඳුන්වනු ලැබූ අයෙක් වන අතර
ඔහු පුද්ගල ඝාතන සිද්ධියකට රක්ෂිත බන්ධනාගාර ගතව සිට ඇප ලබා පැමිණ සිටි අයෙක් බවයි වාර්තා වන්නේ.
‘බොබි’ නමැති පුද්ගලයා විසින් 2021 වසරේ සැප්තැම්බර් මස 05 වන දින මාතර – රස්සන්දෙණිය ප්රදේශයේ දී ගඩොල් කැටයකින් පහර දී ඝාතනය කළ චලිත රංගන වීරසිංහ නමැති පුද්ගලයාගේ හිතවතුන් පිරිසක් මෝටර් රථයකින් ඊයේ පැමිණ තියුණු ආයුධවලින් මෙම පහරදීම සිදුකර ඇති බවයි අනාවරණය වී ඇත්තේ.
පහරදීමට සම්බන්ධ සැකකරුවන් දෙදෙනෙක් මාතර පොලිසිය විසින් අත්අඩංගුවට ගෙන ඇති බවයි අප වාර්තාකරු සඳහන් කළේ.
ඇප කොන්දේසි අනුව ‘බොබි’ නැමැත්තා මාතර පොලීසියට ගොස් අත්සන් කර නැවත තම දියණිය සමඟ නිවසට යමින් සිටියදී මෙම ප්රහාරයට ලක්ව තිබෙනවා.
ප්රහාරයෙන් බරපත තුවාල ලැබූ ඔහු ප්රතිකාර සඳහා මාතර මහ රෝහලට ඇතුළත් කිරීමෙන් අනතුරුව වැඩිදුර ප්රතිකාර සඳහා කොළඔ ජාතික රෝහල වෙත මාරුකර යවා ඇති බවයි වාර්තා වුණේ.
